| e-texts navigator |
| Wylie |
184a1 ལ།། ངེས་དང་མ་ངེས་ཚུལ་མི་འཇུག། བཏགས་མེད་ངེས་པའི་ཚིག་དང་བྲལ།། ཡི་གེ་བརྡ་བྲལ་མཉམ་ཉིད་ལ།། དེ་ལྟར་རྟོག་པ་ནོར་བའི་ལམ།། དངོས་ལ་ངེས་དང་མ་ངེས་ཀྱང་།། གཅིག་པས་ཐ
184a2 ད་མི་གནས་ཀྱང་།། དོན་གྱི་ཕྱོགས་ལ་གཙོར་བཟུང་ནས།། དེ་རྟོགས་བྱ་ཕྱིར་ངེས་པར་བཤད།། ངེས་པ་མི་བསླུའི་སྒྲ་ཡི་ཚིག། རྗེས་སུ་འགྲོ་བ་དོན་བྱེད་ནུས།། ཡེ་ནས་རིག་པའི་འཁོར་ལོར་སྦྱོར།། རིག་པའི
184a3 གསུང་གི་དོན་ལ་སྦྱོར།། རང་བཞིན་རིན་ཆེན་ཕུང་པོ་ལ།། གཏེར་ཁྱིམ་ཕུང་པོ་དེ་མཐོང་ནས།། བཙལ་བ་མེད་པ་འབྲས་བུར་གསལ།། མཐའ་གསུམ་གསལ་བའི་དཔེ་ཉིད་ནི།། ཞེན་པའི་སྣང་བ་མི་མཐོང
184a4 བས།། སྨག་གི་མུན་རུམ་ལྟ་བུར་བཤད།། རོལ་པས་ཆད་པ་གསལ་བའི་ཕྱིར།། ཆུ་ཡི་གཉེར་མ་ལྟ་བུར་བཤད།། གསལ་སྙོམས་མ་འདྲེས་བཏང་སྙོམས་བྲལ།། ཉི་མ་ཤར་བ་ལྟ་བུར་བཤད།། སྐུ་གསུམ་རོལ་པའི
184a5 དཔེ་ཉིད་ནི།། ཁྱབ་གདལ་ངོ་བོ་འཛིན་བྲལ་བས།། ཆོས་སྐུ་ནམ་མཁའ་ཀློང་དུ་བཤད།། རྫོགས་སྐུ་མཛེས་གསལ་ཀུན་ཁྱབ་པས།། ཉི་མ་འབུམ་གདལ་ལྟ་བུར་བཤད།། འབྱུང་འཇུག་མི་མངའ་ཀུན་གནས
184a6 པས།། སྦྲུལ་སྐུ་ཉི་མའི་ཟེར་ལྟར་བཤད།། ཡེ་ནས་ལྷུན་གྲུབ་སྙིང་པོ་ལ།། རྣམ་རྟོག་བློ་ཡིས་བཅད་པས་ན།། སྤྲིན་དང་ཁུག་སྣ་ལྟ་བུར་བཤད།། ཀུན་ཀྱང་ཡེ་ཤེས་རོ་གཅིག་པས།། ལན་ཚྭ་ལྡན་པའི་རྒྱ་མཚོར
iiif viewer powered by OpenSeadragon
