| e-texts navigator |
| Wylie |
183a1 ནས།། གཞི་ལམ་འབྲས་བུ་གསུང་དུ་གསོལ།། ཞེས་གསུངས་སོ།། དེ་ནས་དེ་བཞིན་གཤེགས་པ་རྡོ་རྗེ་སེམས་དཔས་འདི་སྐད་ཅེས་གསུངས་སོ།། ཀྱེ་སེམས་དཔའ་ཆེན་པོ་ལེགས་པར་ཉོན་ཅིག། ནམ
183a2 མཁའི་མཐའ་དང་མཉམ་པའི་རྒྱུད།། རྒྱལ་བ་ཀུན་གྱི་དགོངས་དོན་འདི།། དཔག་མེད་རྒྱལ་བ་བསྐྲུན་པ་ཉིད།། སྟོང་ཉིད་སྨྲ་བ་མ་ཡིན་ཀྱང་།། ཚིག་དོན་སྤྲད་པ་རབ་ཏུ་གཅེས།། རང་བཞིན་ཐབས་དང་འབྲས་བུ
183a3 ཉིད།། རྫོགས་ཆེན་མ་བཅོས་དགོངས་པ་ལ།། མི་འགལ་བརྗོད་པའི་སྒྲ་ཡིས་མཚོན།། དངོས་པོའི་དོན་ཉིད་གཏན་ལ་ཕབ།། འགྱུར་མེད་སྙིང་པོ་རྩོལ་མེད་ལམ།། མ་བསྒྲུབས་རང་བྱུང་འབྲས་བུ་གསུམ།། མ་འདྲེས
183a4 གཅིག་ཏུ་ངེས་པར་མཉམ།། བཤད་ཚུལ་གསུམ་དུ་ཤེས་པར་བྱ།། གཞི་དང་ལམ་དང་འབྲས་བུ་ནི།། ཡེ་ཤེས་རང་གནས་བདེ་མཆོག་དང་།། བསྒྲུབ་པ་བདེ་བ་གསལ་བྱེད་དང་།། རྟོག་པ་རབ་འབྱམས་ཉིད་དུ
183a5 འཆར།། ངོ་བོ་རྒྱུ་རྐྱེན་ངེས་པའི་དཔེ།། མཚན་ཉིད་ཁྱབ་ཚད་ལུང་གི་དོན།། ཡེ་ཤེས་རང་གསལ་ཀུན་གསལ་ཏེ།། མ་བཅོས་མ་བསྐྱེད་ཡེ་ནས་བྱུང་།། འདུ་འབྲལ་མེད་པར་རང་ལ་རྫོགས།། གསལ་བ་མི་གཡོ
183a6 རང་བྱུང་དབྱིངས།། སྣང་ལ་མི་རྟོག་མཉམ་པའི་ངང་།། རང་གསལ་མ་བསྒྲིབས་རང་རིག་དང་།། མཁྱེན་པའི་ཡེ་ཤེས་ཉིད་དུ་འཆར།། རང་གསལ་མ་དམིགས་ཡུལ་དང་བྲལ།། རྫོགས་ཆེན་ཡེ་ཤེས་གསལ་བའི
iiif viewer powered by OpenSeadragon
