| e-texts navigator |
| Wylie |
182b1 དཀྱིལ་པོ་ཆེ།། མཐའ་དབུས་སྤྲོས་པ་རྣམ་པར་བཅད།། སྒྲོན་མེ་ཡེ་ཤེས་འཁོར་ལོ་ཅན།། སྐུར་མེད་རང་གསལ་བརྗོད་དང་བྲལ།། དགོངས་པ་ནམ་མཁའི་མཐའ་མཉམ་པ།། མཚན་མའི་སྤྲོས་དང་གདོད་ནས
182b2 དག། རིག་པ་རང་སྣང་འཁོར་ལོ་ལ།། བསམ་བརྗོད་དཔྱད་པའི་མཐའ་ལས་འདས།། མཉམ་ཉིད་རིག་པའི་འཁོར་ལོ་ལ།། མཚན་མའི་སྒྲ་ཡིས་གཏན་ལ་ཕབ།། ཡེ་ཤེས་རང་བྱུང་འཁོར་ལོ་ལས།། ཆོ་འཕྲུལ་ཐུགས
182b3 རྗེའི་རང་བཞིན་འཆར།། རྡོ་རྗེ་སེམས་དཔའ་དེ་བཞིན་གཤེགས།། རང་བྱུང་གསང་བའི་འཁོར་ལོ་ལས།། ཀློང་དགུའི་བསྟན་པ་ཆར་བཞིན་འབྱུང་།། རང་བྱུང་རང་གསལ་གཏན་ལ་ཕེབས།། རང་ལ་འཆད་ཅིང་རང
182b4 གིས་སྟོན།། རང་གིས་བསྡུས་ནས་རང་དུ་བསྡུ།། མ་བཅོས་ཐིག་ལེ་གཅིག་ཏུ་གནས།། རང་གསལ་བརྗོད་འདས་རིག་པའི་གསུང་།། བྱ་བྲལ་རྫོགས་པའི་རྒྱུད་དུ་གྲགས།། ཞེས་གསུངས་སོ།། ནམ་མཁའི་མཐའ་དང
182b5 མཉམ་པའི་རྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་སེམས་དཔའ་རྡོ་རྗེ་དམ་པ་དེས་བཅོམ་ལྡན་འདས་རྡོ་རྗེ་སེམས་དཔའ་ལ་འདི་སྐད་ཅེས་གསོལ་བ་བཏབ་བོ།། རྒྱལ་བ་ཀུན་གྱི
182b6 གསང་བའི་ཐུགས།། ཐུགས་ཀྱི་ཐུགས་ཏེ་ཐུགས་ཀྱི་མཆོག། རིག་པའི་བསྟན་པ་སྒྲོགས་པའི་བདག། རྫོགས་ཆེན་གསུམ་གྱི་ངོ་བོ་ལ།། བརྡ་དོན་སྤྲད་པའི་གཏན་ཚིགས་ཀྱིས།། བཤད་པ་གསུམ་ལ་ངེས་དགོངས
iiif viewer powered by OpenSeadragon
