| e-texts navigator |
| Wylie |
181b1 ཏོ།། རང་བྱུང་དག་པའི་སྙིང་པོ་ལ།། ལས་དང་བག་ཆགས་གོས་མི་གོས།། ཞེས་གསོལ་པ་དང་།། དེ་བཞིན་གཤེགས་པས་འདི་སྐད་ཅེས་གསུངས་སོ།། རང་བྱུང་ཡེ་ཤེས་ཀ་དག་པས།། པདྨ་ལ་ནི་འདམ་བཞིན
181b2 དུ།། མཚམས་མེད་ལྔ་ཡི་བག་ཆགས་དག། བྱང་ཆུབ་ཚུལ་འདི་བསྟན་པའོ།། ཞེས་གསུངས་སོ།། དེ་ནས་སེམས་དཔའ་རྡོ་རྗེས་བྱང་ཕྱོགས་ཐམས་ཅད་གྲུབ་པ་ཞེས་བྱ་བའི་འཇིག་རྟེན་ན།། དེ་བཞིན་གཤེགས
181b3 པ་ཐམས་ཅད་གྲུབ་པ་ལ་འདི་སྐད་ཅེས་གསོལ་ཏོ།། བྱར་མེད་ལྷུན་རྫོགས་ཕྲིན་ལས་ལ།། འགྲོ་དོན་ཕྲིན་ལས་ཇི་ལྟར་མཛད།། ཅེས་གསོལ་པས།། དེ་བཞིན་གཤེགས་པ་དེས་འདི་སྐད་ཅེས་གསུངས་སོ།། རྩོལ་མེད
181b4 ལྷུན་གྲུབ་བྱིན་རླབས་ལས།། མཛད་པའི་བྱིན་རླབས་ཕྱོགས་བཅུར་བརྡལ།། ཕྱོགས་རིས་མི་མངའ་ཡོངས་ཀྱི་གཏེར།། བྱང་ཆུབ་ཚུལ་འདི་བསྟན་པའོ།། ཞེས་གསུངས་སོ།། དེ་ནས་སེམས་དཔའ་རྡོ་རྗེས་དེ་བཞིན
181b5 གཤེགས་པ་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ།། སེམས་ཉིད་རིན་ཆེན་འཕྲུལ་གྱི་སྒོ།། རྟོགས་པར་འདོད་ན་ཇི་ལྟར་བལྟ།། ཞེས་གསོལ་པས།། དེ་བཞིན་གཤེགས་པ་རྣམ་པར་སྣང་མཛད་ཀྱིས་འདི
181b6 སྐད་ཅེས་གསུངས་སོ།། འཕྲུལ་གྱི་སྐྱེས་བུའི་ཚུལ་བཞིན་དུ།། གཅིག་རྟོགས་ཀུན་ཀྱང་དེ་འདྲ་བ།། མ་བཅོས་བྱང་ཆུབ་སྙིང་པོ་ལ།། ཕྱོགས་སུ་བལྟས་པས་མཐོང་མི་འགྱུར།། ཞེས་གསུངས་སོ།། དེ་ནས་འདོད
iiif viewer powered by OpenSeadragon
