| e-texts navigator |
| Wylie |
181a1 ནས་དགྲོལ་བར་བྱ།། ཞེས་གསུངས་སོ།། དེ་ནས་རྡོ་རྗེ་སེམས་དཔའ་ཤར་ཕྱོགས་ཀྱི་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ན་དེ་བཞིན་གཤེགས་པ་མི་བསྐྱོད་པ་ཞེས་བྱ་བ་རང་གི
181a2 འཁོར་ལ་རྩོལ་མེད་སེམས་ཀྱི་དོན་རྒྱ་ཆེར་གསུངས་པ་ལ་འདི་སྐད་ཅེས་ཞུས་སོ།། སེམས་ཉིད་རང་བྱུང་རྡོ་རྗེ་ལ།། སྐྱེ་ཤི་འདུ་འབྲལ་ཇི་ལྟར་བྱུང་།། ཞེས་གསོལ་པ་དང་།། དེ་བཞིན་གཤེགས་པ་མི་བསྐྱོད་པས་འདི
181a3 སྐད་ཅེས་གསུངས་སོ།། སེམས་ཉིད་རང་བྱུང་རྡོ་རྗེ་ལ།། མ་སྐྱེས་པས་ན་འཇིག་པ་མེད།། འདུ་འབྲལ་མཁའ་ལྟར་དག་པ་ཡི།། བྱང་ཆུབ་ཚུལ་འདི་བསྟན་པའོ།། ཞེས་གསུངས་སོ།། དེ་ནས་སེམས་དཔའ་རྡོ་རྗེས
181a4 དཔལ་དང་ལྡན་པ་ཞེས་བྱ་བ་ལྷོ་ཕྱོགས་ཀྱི་འཇིག་རྟེན་ན།། དེ་བཞིན་གཤེགས་པ་རིན་པོ་ཆེ་མངོན་པར་མཐོ་བ་ལ་འདི་སྐད་ཅེས་གསོལ་ཏོ།། རྒྱལ་བ་རང་བྱུང་དངོས་མེད་ཀྱིས།། དཔག་མེད་བསམ་པ་ཇི་ལྟར
181a5 བསྐང་།། ཞེས་གསོལ་པ་ལས།། དེ་བཞིན་གཤེགས་པ་མངོན་པར་མཐོ་བས་འདི་སྐད་ཅེས་གསུངས་སོ།། ཇི་ལྟར་ཉི་ཟེར་ནོར་བུ་ལྟར།། མ་བསགས་གདོད་ནས་ལྷུན་གྱིས་རྫོགས།། འགྲོ་འོད་མེད་པར་ཀུན་ཁྱབ
181a6 པས།། བྱང་ཆུབ་ཚུལ་འདི་བསྟན་པའོ།། ཞེས་གསུངས་སོ།། དེ་ནས་སེམས་དཔའ་རྡོ་རྗེ་དེས་ནུབ་ཕྱོགས་ཀྱི་འཇིག་རྟེན་པདྨའི་ཕུང་པོ་ཞེས་བྱ་བ་ན།། སངས་རྒྱས་པདྨ་ཆགས་པ་མེད་པ་ལ་འདི་སྐད་ཅེས་གསོལ
iiif viewer powered by OpenSeadragon
