| e-texts navigator |
| Wylie |
180b1 ཡིས། ཀུན་གྱི་འདོད་པ་བསྐང་ཞེས་པ།། རྩོལ་བྱས་ཐེག་པ་མཐར་སྟོན་ནས།། རྩོལ་མེད་འདུལ་བའི་རྣལ་འབྱོར་ལ།། ཅིག་ཆར་ཐེག་པ་གསུང་དུ་གསོལ།། ཞེས་གསོལ་པས།། ཕྱོགས་བཅུའི་སངས་རྒྱས་ཐམས་ཅད
180b2 ཀྱིས་སེམས་དཔའ་ཆེན་པོ་རྡོ་རྗེ་ལ་འདི་སྐད་ཅེས་གསུངས་སོ།། ཀྱེ་མ་རྡོ་རྗེ་སེམས་དཔའ་ཆེ།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་རྡོ་རྗེ་ཅན།། ཁྱོད་ནི་རྒྱལ་བ་ཀུན་གྱི་རྗེ།། རང་བཞིན་མ
180b3 བཅོས་ཐུགས་རྗེ་ཡིས།། བྱ་བྲལ་རྫོགས་ལུང་བཤད་དུ་གསོལ།། ཞེས་གསུངས་པ་དང་། དེ་ནས་དཔལ་རྡོ་རྗེ་སེམས་དཔའི་ཆོས་ཀྱི་དབྱིངས་ལས་ཡེ་ཤེས་སྤྲུལ་པའི་རྡོ་རྗེ་སེམས་དཔའ་གཅིག་བྱུང་སྟེ། རྡོ་རྗེ་རྩེ་ལྔ་པ
180b4 ཡིས་དབང་བསྐུར་ཏེ།། འདི་སྐད་ཅེས་གསུངས་སོ།། དུས་གསུམ་སངས་རྒྱས་ཐམས་ཅད་ཀྱི།། གསང་བའི་འཁོར་ལོའི་གཏེར་འཛིན་ཅིང་།། སྐུ་གསུང་ཐུགས་ཀྱི་གསང་བ་འཆང་། ཁྱོད་ནི་སྨྲ་བའི་སེང་གེ་སྟེ།། རྩོལ
180b5 མེད་འདུལ་བའི་གང་ཟག་ལ།། ལྷུན་གྲུབ་ཐེག་པ་གསུང་དུ་གསོལ།། ཞེས་གསོལ་པ་དང་། དེ་ནས་སེམས་དཔའ་རྡོ་རྗེས་འདི་སྐད་ཅེས་གསུངས་སོ།། གསང་སྔགས་རྡོ་རྗེ་ནམ་མཁའ་ཆེ།། ཚིག་གི་སྤྱོད་ཡུལ་མ་ཡིན
180b6 པས།། བརྗོད་པས་རྟོགས་པར་མི་ནུས་ཏེ།། འདི་ཞེས་འགྲོ་བར་རབ་ཏུ་དཀའ།། འོན་ཀྱང་དམ་བཅས་བསྐོར་བ་དང་།། སངས་རྒྱས་ཐུགས་རྗེའི་བྱིན་རླབས་ཀྱིས།། བརྡ་དོན་སྤྱད་ལ་རྟོགས་བྱའི་ཕྱིར།། ཚིག་གི་སྒོ
iiif viewer powered by OpenSeadragon
