| e-texts navigator |
| Wylie |
180a1 སེམས་དཔའ། འོག་མིན་གྱི་གནས་ཆོས་ཀྱི་དབྱིངས་སྒྲོ་སྐུར་དང་བྲལ་བ། རིག་པའི་ཡེ་ཤེས་འབར་བའི་གཞལ་ཡས་ཁང་། མཐའ་དང་དབུས་མེད་པར་ནམ་མཁའི་དབྱིངས་དང་མཉམ་པ། ཡེ་ཤེས
180a2 གསང་བའི་ཡང་གསང་བ། ཀུན་ཏུ་ཁྱབ་གདལ་ཆེན་པོ། ཚད་དང་རྒྱ་དཔག་ཏུ་མེད་པ། ཟབ་ཅིང་ཕྲ་ལ་རྟོགས་པར་དཀའ་བའི་རང་བཞིན་ཐུག་པ་མེད་ཅིང་། ཟད་འཕེལ་མེད་པ་ནམ་མཁའི་མཐའ་དང་མཉམ་པའི
180a3 རྒྱན་རབ་འབྱམས་དཔག་ཏུ་མེད་པས་བརྒྱན་པ་ན། རྫོགས་པ་ཆེན་པོ་བཅོམ་ལྡན་འདས་བཞུགས་ཏེ། རང་བཞིན་ངོ་བོའི་འཁོར་དང་། རང་བཞིན་ལ་རྗེས་སུ་ལྟ་བའི་འཁོར་དང་། རང་བཞིན་མངོན་དུ་ཐོབ་པའི
180a4 འཁོར་ལ་འདི་ལྟ་སྟེ། ས་དང་། ཆུ་དང་། མེ་དང་། རླུང་དང་། ནམ་མཁའ་དང་། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ལ་སྩོགས་པ་དང་། ཡོངས་སུ་རྣལ་འབྱོར་དང་། རྣལ
180a5 འབྱོར་ཆེན་པོ་དང་། རྗེས་སུ་རྣལ་འབྱོར་དང་། ཤིན་ཏུ་རྣལ་འབྱོར་ལ་སྩོགས་པ་ཐམས་ཅད་དང་། ཕྱོགས་བཅུའི་འདས་པ་དང་། མ་བྱོན་པ་དང་། ད་ལྟར་བཞུགས་པའི་སངས་རྒྱས་ཆོས་ཀྱི་སྐུ་དང་། ལོངས་སྐྲོད
180a6 རྫོགས་པའི་སྐུ་དང་། སྤྲུལ་པའི་སྐུ་མཐའ་ཡས་པ་དང་། ཐབས་ཅིག་ཏུ་བཞུགས་སོ། དེ་ནས་ལྷའི་དབང་པོས། ཕྱོགས་བཅུའི་རྒྱལ་བ་ཐམས་ཅད་ལ་འདི་སྐད་ཅེས་གསོལ་ཏོ།། ཀྱེ་དུས་གསུམ་གཤེགས་པའི་རྒྱལ་བ
iiif viewer powered by OpenSeadragon
