| e-texts navigator |
| Wylie |
17b1 ཀྱི་འཁོར་ལོའི་ལེའུ་སྟེ་བཅུ་གསུམ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། རྩ་ཡི་གནས་ལུགས་ངོ་སྤྲོད་བསྟན་པར་བྱ།། ཕོ་རྩེ་མོ་རྩ་མ་ནིང་རྩ་དང་ཆེན་པོ་ཆེ།། དེ་ཡང
17b2 གཞི་དང་ལམ་དང་དངོས་པོ་རྣམ།། དེ་རྣམས་གཏན་ལ་ཕབ་པར་བྱ།། དང་པོར་སྐྱེ་བ་འབྱུང་བ་ནི།། དང་པོ་ལྷུན་གྲུབ་མ་འགགས་པར།། ཐུགས་རྗེ་འགག་པ་མེད་པ་ལས།། འགྱུ་བ་རླུང་གིས་བསྐྱོད་ནས་ནི།། ལྷུན
17b3 གྲུབ་རླུང་ཆེན་མ་འགགས་པས།། མ་ནིང་རྣམ་པ་གསུམ་དུ་འབྱུང་།། མ་ནིང་རླུང་གི་རྩལ་དྲག་པས།། དྲག་པོར་འགྱུས་ནས་འོད་ལ་བཅད།། ཐིག་ལེ་དཀར་དམར་འདུས་པ་ལས།། མཛོད་ཆེན་ཞེས་པའི་རྩ་རུ
17b4 འཁྱིལ།། རྐྱང་མ་རོ་མ་ཀུན་འདར་མ།། དེ་ལ་དངོས་པོའི་རྩ་རུ་འབྱུང་།། དངོས་པོའི་རྩ་ཡི་སྣང་བ་ཡང་།། རོ་རྐྱང་ཀུན་འདར་གསུམ་པོ་ལས།། ཕོ་རྩའི་སྣ་ནི་ཁ་ལ་ཟུག་ནས་ཁ་བྱེ་བས།། ཟླ་བ་རེ་ལ་མཚན་མ་རེ།། སྣ
17b5 ཡི་ནང་ནས་འབྱུང་བ་ཡིན།། ཐིག་ལེ་དེ་ལ་རྒྱས་པའི་རྩ།། ཨ་ཝ་དྷཱུ་ཏིའི་ནང་ནས་འབྱུང་།། བདེ་བ་འབྱུང་བ་དེ་ལྟར་ཡིན།། རྡོ་རྗེའི་རྩེ་མོར་རྩ་མདུད་གནས།། མོ་ཡི་ཤེས་རབ་རྩལ་གྱིས་སུ།། ཟླ་མཚན་འཛག་ཅེས་བྱ
17b6 བ་ཡང་།། ཐིག་ལེ་ཨ་ཝ་དྷ་ཏི་ནས་སུ་འཛག། ཐིག་ལེ་དམར་པོ་རྀ་རྐྱང་ནས།། སྣ་ཡི་བུ་ག་གཉིས་ནས་འཛག། ཟླ་མཚན་ཞེས་ཀྱང་དེ་ལ་བྱ།། ཟླ་བ་རེ་ལ་རྒྱུ་བ་ཡང་།། མཛོད་སྤུ་དྲག་ཏུ་གཡོ་བར་བྱེད།། མགྲིན་པར
iiif viewer powered by OpenSeadragon
