| e-texts navigator |
| Wylie |
179a1 པའོ།། །། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པ་ཆོས་རྗེ་ལགས།། ཁྱེད་ནི་མཉམ་པའི་རྒྱལ་པོ་སྟེ།། ཐུགས་རྗེས་འགྲོ་བའི་སྐྱབས་མཛད་པ།། ཆེ་ཆུང་རིམ་པའི་བློ་ཡོད་པས།། རྒྱུད
179a2 ཀྱི་གཏད་རྒྱ་གསུང་དུ་གསོལ།། དེ་སྐད་ཞུས་པའི་དོན་མཁྱེན་ནས།། སྟོན་པ་ཤེས་རིག་རྒྱལ་པོ་ཡིས།། ཕྱི་རབས་རྣམས་ལ་ཕན་གདགས་ཕྱིར།། འདུས་པའི་འཁོར་ལ་རྒྱུད་གཏད་པ།། གསང་སྔགས་ངེས་དོན་རྒྱུད
179a3 ཆེན་འདི།། བསྟན་པའི་སྙིང་པོ་ཡིན་པར་ངེས།། སྙིགས་མ་ལྔ་ཡི་དུས་སུ་དར།། དཔེར་ན་མར་མེ་འཆི་ཀ་རུ།། འོད་ནི་གསལ་བར་འབྱུང་བ་ལྟར།། དེ་བཞིན་ང་ཡི་རྒྱུད་འདི་ཡང་།། ནུབ་ཁར་ཟབ་མོའི་ཆོས་དར
179a4 འགྱུར།། བསྟན་པ་ནུབ་པར་འགྱུར་ཙམ་ན།། འདི་ལས་ལྷག་པའི་མགོན་སྐྱབས་མེད།། སྐལ་ལྡན་རྣམས་ཀྱི་ལམ་དུ་གྱིས།། རྒྱུད་དག་ཁྱེད་ཀྱི་ཐུགས་ལ་ཆོངས།། འདུས་པའི་འཁོར་རྣམས་པ་ལ་ཉོན།། རང
179a5 བཟོ་བྱེད་ཅིང་བླ་མ་སྨོད།། དད་པ་ཆུང་ལ་འདོད་པ་ཆེ།། དམ་ཚིག་མེད་ལ་སློབ་དཔོན་གསང་།། བཀའ་བཞིན་མི་བསྒྲུབ་ཟོང་དུ་བྱེད།། དེ་འདྲའི་གང་ཟག་ལོག་སྲེད་ཅན།། རྒྱུད་ཀྱི་མིང་ཡང་བསྟན་མི་བྱ།། མཁའ
179a6 འགྲོ་རྣམས་གྱིས་སྲོག་ཀྱང་འཕྲོག། ཡང་བ་ཡི་ནད་ཀྱང་འབྱུང་།། ཤི་ནས་རྡོ་རྗེ་དམྱལ་བར་སྐྱེ།། ད་ཡང་འདུས་པའི་འཁོར་རྣམས་ཉོན།། དད་ལྡན་རྒྱུད་ལ་མོས་པ་དང་།། སྒྲུབ་ལ་ཤིན་ཏུ་བརྩོན་པ་ལ།། དངོས་གྲུབ
iiif viewer powered by OpenSeadragon
