| e-texts navigator |
| Wylie |
178b1 ཡི།། སངས་རྒྱས་རབས་བདུན་འབྱུང་བ་ནི།། འདས་པའི་དུས་ཀྱང་ང་ཉིད་དོ།། རྒྱལ་བའི་གསུང་གི་སྤྲུལ་པ་ལས།། བསྐལ་བཟང་བྱང་ཆུབ་སྟོང་ལ་སོགས།། བྱང་ཆུབ་སེམས་དཔའ་འབུམ་སྡེ་ནི།། ཀུན་རིག་སྟོན་པ
178b2 ང་ཡིན་ནོ།། བདེ་གཤེགས་ཐུགས་ཀྱི་སྤྲུལ་པ་ལས།། ཞི་ཁྲོ་སངས་རྒྱས་ལ་སོགས་པ།། རིགས་ལྔ་ཡབ་ཡུམ་ངཔ་ཉིད་དོ།། ང་མེད་པ་ཡི་སྔོན་རོལ་ན།། སངས་རྒྱས་བྱ་བའི་མིང་ཡང་མེད།། སེམས་ཅན་བྱ་བའི་སྐྱེ་གནས
178b3 མེད།། ཐམས་ཅད་ང་ཡི་སྤྲུལ་པ་ཡིན།། ང་ཉིད་གཞི་ཡི་སངས་རྒྱས་སོ།། ནང་གི་སྤྲུལ་པ་རྣམ་གསུམ་ནི།། བདེ་བར་གཤེགས་པའི་སྐུ་ཡི་སྤྲུལ་པ་ལས།། འོག་མིན་གནས་ཀྱི་གནས་མཆོག་ན།། བཅོམ་ལྡན་རྣམ་པར
178b4 སྣང་མཛད་བྱུང་།། ཕྱི་ནང་རིགས་གསུམ་མགོན་པོ་དང་།། ས་བཅུའི་བོ་དྷི་ས་ཏཱ་ལ།། གསུང་གིས་ཆོས་རྣམས་མི་སྟོན་པར།། སྐུ་ཡིས་ཆོས་རྣམས་འཇལ་བར་སྟོན།། བདེ་གཤེགས་གསུང་གི་སྤྲུལ་པ་ལས།། འཛམ
178b5 གླིང་རྡོ་རྗེའི་གདན་སྟེང་ན།། ཤཱཀ་ཐུབ་ལྷ་མིའི་སྟོན་པ་བྱུང་།། མདོ་སྡེ་འདུལ་བ་མངོན་པའི་ཆོས།། དྲང་དོན་ངེས་དོན་མང་པོ་གསུངས།། ཀུན་རིག་ཟུགས་ཀྱི་སྤྲུལ་པ་ལས།། རྒྱུ་བདག་རྡོ་རྗེ་སེམས་དཔའ
178b6 བྱུང་།། སངས་རྒྱས་ལྷ་ཚོགས་རྣམས་དང་ནི།། དགའ་རབ་རྡོ་རྗེ་ལ་སོགས་པས།། གསང་སྔགས་ངེས་དོན་རྒྱུད་སྡེ་གསུངས།། རིན་པོ་ཆེ་འཕགས་ལམ་བཀོད་པའི་རྒྱུད་ལས།། སྤྲུལ་པ་བཀྱེ་བའི་ལེའུ་སྟེ་དགུ
iiif viewer powered by OpenSeadragon
