| e-texts navigator |
| Wylie |
178a1 བར་ཝ་བཙུགས་བཞིན།། གཉེན་པོ་བརྟེན་པའི་དཀའ་ཐུབ་ཀྱིས།། འདོད་པའི་འབྲས་བུ་འཐོབ་པར་འགྱུར།། གཉིད་ལོག་རྨི་ལམ་པར་དོ་ལ།། ཅིར་སྣང་སེམས་སུ་ཤེས་པ་ནི།། བྲམ་ཟེའི་གླིང་དུ
178a2 གཞན་འཚོལ་བཞིན།། ཐམས་ཅད་སེམས་སུ་རྟོགས་པ་ལ།། བཟང་ངན་ཕན་གནོད་མེད་པར་འགྱུར།། ཆོས་ཉིད་གསལ་བའི་བར་དོ་ལ།། ཡེ་ཤེས་ཟང་ཐལ་འཆར་བ་ནི།། སྐར་མདའ་མཁའ་ལ་རྒྱུག་པ
178a3 བཞིན།། ཕྱིར་མི་ལྡོག་པའི་རིག་པ་ནི།། འབྱུང་བ་རང་སར་ཐིམ་བྱས་ནས།། རྣམ་ཤེས་འོད་ལ་ཐིམ་པའི་དུས།། བག་ཆགས་ལུས་ལས་གྲོལ་བར་འགྱུར།། ཞེས་གསུངས་སོ།། རིན་པོ་ཆེ་འཕགས་ལམ་བཀོད་པའི
178a4 རྒྱུད་ལས། བར་དོའི་བྱེ་བྲག་བསྟན་པའི་ལེའུ་སྟེ་བརྒྱད་པའོ།། །། རྡོ་རྗེ་སེམས་དཔས་ཡང་ཞུས་པས།། ཀུན་རིག་སྟོན་པ་ཆོས་རྗེ་ལགས།། དེ་བཞིན་གཤེགས་པའི་སྐུ་གསུང་ལས།། ཕྱི་ནང་སྤྲུལ་པ་ཇི་ལྟར
178a5 བཀྱེ།། གདུལ་བྱའི་སྟོན་པ་གང་ལ་བགྱི།། ཀུན་རིག་སྟོན་པས་བཀའ་སྩལ་པ།། རྒྱལ་བའི་སྐུ་གསུང་ཐུགས་ལ་ནི།། སྤྲུལ་པ་བསམ་གྱིས་མི་ཁྱབ་པས།། ཕྱོགས་བཅུ་དུས་གསུམ་མ་ལུས་པའི།། སངས་རྒྱས་ཇི་སྙེད
178a6 བཞུགས་པ་ཀུན།། ཀུན་རིག་ང་ཡི་སྤྲུལ་པ་ལས།། གཞན་ན་སངས་རྒྱས་རྡུལ་ཙམ་མེད།། ཕྱི་དང་ནང་དུ་སྣང་བ་ནི།། ཀུན་རིག་ཡིན་པར་ཤེས་པར་གྱིས།། རྒྱལ་བའི་སྐུ་ཡི་སྤྲུལ་པ་ལས།། མར་མེ་མཛད་ལ་སོགས་པ
iiif viewer powered by OpenSeadragon
