| e-texts navigator |
| Wylie |
177b1 ལྡན།། འགྱུ་མི་འགྱུ་ལས་ཡིད་ཙམ་འགྱུས།། སྣ་ཚོགས་གཟུགས་ཅན་ཡིད་ལས་སྐྱེས།། དེ་ཡི་བྱེ་བྲག་བཤད་པ་ནི།། རྣམ་པ་དྲུག་ཏུ་ཤེས་པར་བྱ།། རང་བཞིན་གནས་པའི་བར་དོ་དང་།། ཏིང་ངེ་འཛིན་གྱི་བར་དོ
177b2 དང་།། སྐྱེ་ཤི་གཉིས་ཀྱི་བར་དོ་དང་།། དེ་བཞིན་སྲིད་པའི་བར་དོ་དང་།། རྨི་ལམ་གཉིད་ཀྱི་བར་དོ་དང་།། ཆོས་ཉིད་གསལ་བའི་བར་དོའོ།། ཞེས་གསུངས་སོ།། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པ
177b3 ཆོས་རྗེ་ལགས།། དེ་དོན་ཤེས་པ་ཤིན་ཏུ་དཀའ།། དཔེ་དོན་བཅས་པ་གསུང་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་སྟོན་པས་བཀའ་སྩལ་པ།། རང་བཞིན་གནས་པའི་བར་དོ་ལ།། མ་ཤེས་པ་ནི
177b4 ངོ་ཤེས་བྱེད།། ད་ཕྲུག་མ་དང་ཕྲད་པ་བཞིན།། མ་ནི་སྟོང་ལ་བུ་ནི་གསལ།། མ་བུ་ཤེས་པའི་སྐྱེས་བུ་ནི།། སྙམ་བྱེད་དེ་ལས་གྲོལ་བར་འགྱུར།། ཏིང་ངེ་འཛིན་གྱི་བར་དོ་ལ།། མི་གསལ་བ་ནི་གསལ་བྱེད་པས།། སྒེག
177b5 མོས་མེ་ལོང་བལྟ་བ་བཞིན།། སེམས་ཀྱིས་སེམས་ལ་བལྟས་པ་ཡིས།། གཉིས་འཛིན་རྟོག་པ་ཟད་པར་འགྱུར།། སྐྱེ་ཤི་གཉིས་ཀྱི་བར་དོ་ལ།། ཡེ་ཤེས་ངོ་ཡིས་འཛིན་པ་ནི།། མུན་ཁུང་སྒྲོན་མེ་བཏེགས་པ
177b6 བཞིན།། མཚོན་པ་ཚིག་གིས་དོན་རྟོགས་པས།། རྟེན་འབྲེལ་འཛོམ་པའི་ཡེ་ཤེས་ཀྱིས།། རྨོངས་པའི་མུན་པ་སངས་པར་འགྱུར།། མི་སྲིད་སྲིད་པའི་བར་དོ་ལ།། བཟང་ངན་ལས་ཀྱི་འཕྲོ་མཐུད་ནི།། རྐང་ཆག་ཡུར
iiif viewer powered by OpenSeadragon
