| e-texts navigator |
| Wylie |
176b1 ནོ།། དེའི་གསུང་དོན་དུ་གཉེར་བས་སྒྲུབ་པ་ཡིན།། བདེ་སྡུག་རྩ་བ་བྲལ་བས་སྒྲུབ་པ་ཆེན་པོའོ།། བདེ་གཤེགས་གོང་མས་གསུངས་པས་ཕྲིན་ཞེས་བྱ།། དེ་ལ་ཐོས་བསམ་བྱས་པས་ལས་ཞེས་བྱ།། སེམས་ཀྱི་ཟུག་རྔུ
176b2 ཞི་བས་ཞི་བ་ཉིད།། དེ་ཉིད་ལམ་དུ་ཁྱེར་བས་རྒྱས་པ་ཡིན།། རང་སེམས་བཀོལ་དུ་བཏུབ་པས་དབང་ཞེས་བྱ།། འཁོར་བའི་རྩ་བ་ཆོད་པས་དྲག་པོའོ།། མཆོད་པའི་བྱེ་བྲག་མང་པོ་ཇི་སྙེད་པ།། ཕྱི་དང་ནང་གི་མཆོད
176b3 པ་དང་།། གསང་མཆོད་བླ་ན་མེད་པའོ།། བླ་མེད་མཆོད་པ་བསྟན་པ་ནི།། མཁས་པས་བྱང་ཆུབ་སེམས་བསྒོམས་པས།། རྒྱལ་དང་དེ་ཡི་སྲས་རྣམས་ལ།། མཆོད་པའི་ནང་ནས་དམ་པ་སྟེ།། འདི་ནི་སྐྱོན་མེད་མེ་ཏོག
176b4 ཡིན།། ཐམས་ཅད་རིང་པོར་མི་ཐོགས་པར།། རྒྱལ་མཆོག་སངས་རྒྱས་ཉིད་དུ་འགྱུར།། ཞེས་གསུངས་སོ།། རིན་པོ་ཆེ་འཕགས་ལམ་བཀོད་པའི་རྒྱུད་ལས། ཡོངས་སུ་ཤེས་པར་བྱ་བའི་རྒྱུད་ཀྱི་དངོས་པོ་བསྟན་པའི
176b5 ལེའུ་སྟེ་དྲུག་པའོ།། །། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པ་ཆོས་རྗེ་ལགས།། གནད་ལ་དབབ་པ་གསུང་དུ་གསོལ།། ཀུན་རིག་སྟོན་པས་བཀའ་སྩལ་པ།། དད་པས་དམ་ཆོས་གནད་ལ
176b6 དབབ།། དད་པ་མེད་པའི་མི་རྣམས་ལ། དཀར་པོའི་ཆོས་རྣམས་ག་ལ་འབྱུང་།། ས་བོན་མེ་ཡིས་ཚིག་པ་ལ།། མྱུ་གུ་སྔོན་པོ་ག་ལ་འབྱུང་།། མོས་པས་བླ་མ་གནད་ལ་དབབ།། བླ་མ་མེད་པའི་སྔོན་རོལ་ན།། སངས
iiif viewer powered by OpenSeadragon
