| e-texts navigator |
| Wylie |
176a1 ཉམས་སུ་མྱོང་བས་འཁོར།། རིག་པ་བཀྲ་བས་དཀྱིལ་འཁོར་ཡིན།། རྡུལ་ཚོན་དཀྱིལ་འཁོར་རག་མ་ལུས།། ཆོས་དབང་སེམས་ལ་བསྐུར་བས་ནི།། རིག་པའི་རྩལ་གྱི་དབང་ཐོབ་འགྱུར།། ཏིང་འཛིན
176a2 ལས་སུ་རུང་བས་རང་དབང་རང་གིས་ཐོབ།། རང་སེམས་བླ་མར་རྟོགས་པས་བྱིན་རླབས་དབང་མི་དགོས།། རང་བྱུང་ཡེ་ཤེས་རྟོགས་པའི་ལྷ།། འཛབ་དང་ལྷ་ཡི་སྙིང་པོ་དབུལ་མི་དགོས།། སངས་རྒྱས་ཀུན་གྱི
176a3 གསང་བའི་ཐུགས།། མི་རྟོག་པ་ཡི་ཡེ་ཤེས་རང་གིས་རྟོགས།། དེ་ཉིད་གཞན་ལ་ཕན་བྱེད་པ།། སྲིད་པ་གསུམ་ན་དེ་དབང་བསྐུར།། ཅིག་ཆར་རིག་པ་དོན་ཡིན་པས།། ཅིག་ཆར་རིག་པའི་སྟོབས་ཀྱིས་འདག། ཐུན
176a4 མོ་ཐུན་མོང་མ་ཡིན་པས།། མི་འདའ་བས་ན་དམ་ཚིག་ཡིན།། ཐུན་མོང་དམ་ཚིག་བསྟན་པ་ནི།། ལྟ་བ་སྤྱི་སར་མི་དགོད་དང་།། སྒོམ་ཉམས་མུ་ཅོར་མི་སྨྲ་དང་།། བྱང་ཆུབ་ངོ་དགར་མི་གཏོང་དང་།། གསང་སྒོ་ཡལ
176a5 བར་དོར་མི་བྱ།། ཐུན་མོང་མ་ཡིན་དམ་ཚིག་ནི།། ཡེ་ནས་མ་བྱུང་མ་སྐྱེས་པས།། ཡེ་ནས་མི་གནས་ཡེ་ནས་སྟོང་།། མེད་པ་དང་ནི་ཕྱལ་བ་དང་།། གཅིག་པུར་ལྷུན་གྱིས་གནས་པའོ།། དམ་ཚིག་མེད་པའི་སྔགས་པ
176a6 ཀུན།། མེ་ཏོག་རྩ་བ་བསྐམས་པ་བཞིན།། འབྲས་བུ་སྨིན་པར་མི་འགྱུར་རོ།། སངས་རྒྱས་རང་ལ་བསྒྲུབ་པའི་སྒྲུབ་ཐབས་འདི།། སངས་རྒྱས་རང་ལ་ཡོད་པས་བསྙེན་པ་ཡིན།། དེ་མཚོན་བླ་མ་བསྟེན་པས་ཉེ་བསྙེན
iiif viewer powered by OpenSeadragon
