| e-texts navigator |
| Wylie |
175b1 ལྡང་ཚད་བཤད་དུ་གསོལ།། ཀུན་རིག་སྟོན་པས་བཀའ་སྩལ་པ།། འདུས་པའི་འཁོར་རྣམས་ང་ལ་ཉོན།། རྒྱུད་ཀྱི་དོན་རྣམས་ངས་བཤད་པས།། གུས་པས་ཉོན་ལ་ཡིད་ལ་ཟུང་།། རྒྱུ་ཡི་རྒྱུད་དང་ལམ་གྱི
175b2 རྒྱུད།། འབྲས་བུའི་རྒྱུད་དང་གསུམ་དུ་བཤད།། གསང་སྔགས་རྒྱུད་ཀྱི་དབྱེ་བ་ཡིན།། འབྲེལ་དང་མ་ཚང་མེད་པ་དང་།། ཕུན་སུམ་ཚོགས་པས་རྒྱུད་ཅེས་བྱ།། རྒྱུད་ནི་རྒྱུན་ཆགས་ཞེས་བྱ་སྟེ།། འཁོར་བ་ཡང་ནི་རྒྱུད་དུ
175b3 འདོད།། གསང་སྔགས་རྒྱུད་ཀྱི་དངོས་པོ་ནི།། ཡོངས་སུ་ཤེས་པ་བརྒྱད་ཀྱིས་བསྟན།། བལྟ་བ་སྤྱོད་པ་དཀྱིལ་འཁོར་དབང་།། དམ་ཚིག་དང་ནི་ཕྲིན་ལས་དང་།། བསྒྲུབ་པ་མཆོད་པ་བྱ་བར་བཤད།། ཅེས་གསུངས
175b4 སོ།། རྡོ་རྗེ་སེམས་དཔས་ཡང་ཞུས་པ།། ཐམས་ཅད་མཁྱེན་པ་ཁྱེད་ཀྱི་ཐུགས་ཁྲོལ་ལ།། ཕྱི་རབས་རྣམས་ལ་ཕན་གདགས་ཕྱིར།། འདི་དོན་རྒྱས་པར་བཤད་དུ་གསོལ།། ཀུན་རིགས་སྟོན་པས་བཀའ་སྩལ་པ།། ལྟ་བ
175b5 ལོག་དང་དམན་པ་དང་།། ཤེས་པར་བྱ་བའི་ལྟ་བ་ནི།། མཐའ་བྲལ་ཡེ་ཤེས་ཕྱོགས་ཆ་བྲལ།། གཟུང་འཛིན་རྟོག་པ་ཀ་ནས་དག། ཡང་དག་ཉིད་ལ་ཡང་དག་བལྟ།། ཡང་དག་མཐོང་ན་རྣམ་པར་གྲོལ།། སྤྱོད་པའི་དོན
175b6 ལ་རྣམ་གསུམ་སྟེ།། འཇིག་རྟེན་ཕལ་དང་མི་མཐུན་སྤྱོད།། ལྷ་དམན་བློ་དང་མི་མཐུན་སྤྱོད།། ཡོངས་སུ་ཤེས་པའི་སྤྱོད་པ་ནི།། སྣ་ཚོགས་ཐུག་ཕྲད་ཞེན་པ་མེད།། རང་རིག་མཐའ་དབུས་མེད་པའི་དཀྱིལ།། དེ་ཉིད
iiif viewer powered by OpenSeadragon
