| e-texts navigator |
| Wylie |
175a1 དག་ཐར་པའི་ལམ།། འཁྲུལ་པ་ཉིད་དང་བྱང་ཆུབ་ལམ།། རྟག་ཏུ་གེགས་བྱེད་མ་ཡིན་ཏེ།། ཉན་ཐོས་དང་ནི་རང་སངས་རྒྱས།། སངས་རྒྱས་ས་ལ་གེགས་བྱེད་དོ།། རིན་པོ་ཆེ་འཕགས་ལམ་བཀོད་པའི
175a2 རྒྱུད་ལས། སངས་རྒྱས་སེམས་ཅན་ཁྱད་པར་བསྟན་པའི་ལེའུ་སྟེ་བཞི་པའོ།། །། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པ་ཆོས་རྗེ་ལགས།། ཁྱེད་ནི་འདྲེན་པའི་ལམ་མཁན་ཏེ།། གཞི་ལམ་འབྲས
175a3 བུ་བསྟན་དུ་གསོལ།། ཀུན་རིག་སྟོན་པས་བཀའ་སྩལ་པ།། གཞི་ནི་མ་བཅོས་སྙིང་པོའི་དོན།། འཁོར་དང་མྱང་འདས་རོ་གཅིག་པས།། སངས་རྒྱས་སེམས་ཅན་འབྱུང་གནས་ས།། ཀུན་གྱི་སྤྱི་གཞི་ཡིན་པར
175a4 བཤད།། གསལ་ལ་འཛིན་མེད་རྟོགས་པས་ལམ།། ཞི་གནས་ལྷག་མཐོང་ཟུང་དུ་འབྲེལ།། ཉམས་མྱོང་སྣ་ཚོགས་འབྱུང་བའི་གནས།། འབྲས་བུ་ལམ་དུ་བྱེད་པར་བཤད།། ཡོངས་སུ་རྫོགས་པས་འབྲས་བུ་ཡིན།།
175a5 ཁམས་གསུམ་སྐུ་གསུམ་ཐ་མི་དད།། བདག་དོན་གཞན་དོན་འབྱུང་བའི་གནས།། འབྲས་བུ་ཡེ་ནས་སྨིན་པར་བཤད།། ཅེས་གསུངས་སོ།། རིན་པོ་ཆེ་འཕགས་ལམ་བཀོད་པའི་རྒྱུད་ལས། སངས་རྒྱས་དང་སེམས
175a6 ཅན་ཁྱད་པར་བསྟན་པ་དང་། གཞི་ལམ་འབྲས་བུ་བསྟན་པའི་ལེའུ་སྟེ་ལྔ་པའོ།། །། རྡོ་རྗེ་སེམས་དཔས་ཡང་ཞུས་པ།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་སྟོན་པ་ཆོས་རྗེ་ལགས།། རྒྱུད་ཀྱི
iiif viewer powered by OpenSeadragon
