| e-texts navigator |
| Wylie |
174b1 འཁོར་བ་སྟོངས།། སྣང་བ་རང་སྣང་ཤེས་ཙམ་ན།། ཤ་ཁྲག་ལུས་ནི་སྟོངས་པར་འགྱུར།། ཤར་བ་རང་ཤར་ཤེས་ཙམ་ན།། ཉོན་མོངས་སེམས་ནི་སྟོངས་པར་འགྱུར།། རླུང་ཡང་རང་གི་རྩལ་དུ་ཤེས།། ལུས་སེམས
174b2 གཉིས་སུ་ཚོགས་རྒྱུ་མེད།། དེ་ལྟར་གསུམ་ལ་བརྟེན་ནས་ཀྱང་།། སྟོང་གསལ་རིག་པ་སངས་རྒྱས་སོ།། དེ་ལྟར་མ་ཤེས་བློ་ཆུང་རྣམས།། དབང་མེད་དྲུག་གིས་འཁོར་བར་འཁྱམས།། སྣང་བ་རང་སྣང་མ་ཤེས
174b3 ན།། ལུས་སུ་མི་འགྲོ་རང་དབང་མེད།། ཤར་བ་རང་སར་མ་ཤེས་ན།། སེམས་སུ་མི་འགྲོ་རང་དབང་མེད།། རླུང་རང་རྩལ་དུ་མ་ཤེས་ན།། ལུས་སེམས་མི་འདུ་རང་དབང་མེད།། འདུས་ནས་མི་སྐྱེ་རང་དབང
174b4 མེད།། སྐྱེས་ནས་མི་རྒས་རང་དབང་མེད།། རྒས་ནས་མི་ན་རང་དབང་མེད།། ན་ནས་མི་འཆི་རང་དབང་མེད། ཤི་ནས་ཁམས་གསུམ་འཁོར་བར་འཁྱམས།། འཁོར་འདས་མཚན་ཉིད་བཞི་རུ་འདུས།། མི་རྟག་སྡུག
174b5 བསྔལ་སྟོང་བདག་མེད།། སྣོད་ཀྱི་འཇིག་རྟེན་རི་དང་གླིང་རྣམས་ཀྱང་།། འཇིག་པའི་དུས་ན་བསྐལ་པའི་མེ་བྱུང་བས།། ཐལ་བའི་ལྷག་མ་ཙམ་ཡང་མི་ལུས་སོ།། ཆུ་དང་རླུང་གིས་འཇིག་པ་དེ་བཞིན་ནོ།། བཅུད་ཀྱི
174b6 སེམས་ཅན་ཚེ་འདི་མི་རྟག་པས།། ལུས་དང་ལོངས་སྤྱོད་ལ་སོགས་འདོར་བར་ངེས།། རིགས་དྲུག་སྡུག་བསྔལ་མང་པོ་བསམ་མི་ཁྱབ།། སྲིད་པ་སྟོང་པར་རྟོགས་པ་ཞི་བའི་མཆོག། བདག་མེད་གཉིས་རྟོགས་ཡང
iiif viewer powered by OpenSeadragon
