| e-texts navigator |
| Wylie |
173b1 སེམས་ཅན་ནི།། ལུས་དང་བག་ཆགས་ཉིད་དུ་གནས།། དེ་ཕྱིར་སངས་རྒྱས་སེམས་ཅན་གཉིས།། གཞི་གཅིག་རྟོག་པ་ཐ་དད་མེད།། ལམ་པའི་དུས་ན་སོ་སོར་སྣང་།། དཔེར་ན་ག་བུར་སྨན་བཞིན་དུ།། གཏོང་ཤེས
173b2 སྨན་གྱི་མཆོག་ཡིན་ཏེ།། མ་ཤེས་པ་ནི་སྲོག་གི་བདུད།། དེ་བཞིན་ཀུན་གཞི་སྟོང་གསལ་ཡང་།། རྟོགས་ན་སངས་རྒྱས་དངོས་ཡིན་ཏེ།། མ་རྟོགས་ན་ནི་འཁོར་བའི་རྒྱུ།། དོན་གྱི་ངོ་བོ་འཁྲུལ་མེད་ཀྱང་།། རྐྱེན་བཞི
173b3 འཛོམ་པས་འཁྲུལ་བ་འབྱུང་།། དཔེར་ན་དུང་གི་ངོ་བོ་ལ།། སེར་སྣང་ལ་སོགས་འཁྲུལ་མེད་ཀྱང་།། མིག་སྐྱོན་ཅན་ལ་སེར་པོར་སྣང་།། རྟོགས་པའི་སངས་རྒྱས་ཆོས་རྣམས་ནི།། མ་འདྲེས་བཅོ་བརྒྱད་སྒོ་ནས
173b4 འཇུག། དྲུག་ཚན་དང་པོའི་ཆོས་རྣམས་ལ།། གནས་ལུགས་དེ་ནི་འདུས་མ་བྱས།། འབྲས་བུ་སྐུ་གསུམ་མཐའ་རུ་ཐུག། རྒྱུ་འབྲས་གཉིས་ལ་མི་ལྟོས་དང་།། བྱས་པའི་ཆོས་ཀྱིས་སངས་མི་རྒྱ།། ཡེ་ནས་གནས་པའི་དོན
173b5 རྟོགས་ན།། མ་བྱས་ཆོས་ཀྱིས་སངས་རྒྱས་དང་།། ཅིག་ཆར་འཇུག་པའི་ལམ་ཡིན་པས།། ངེས་དོན་ཕྱིན་ཅི་མ་ལོག་པའོ།། དྲུག་ཚན་གཉིས་པའི་ཆོས་རྣམས་ནི།། རྒྱུ་ལས་མ་བྱུང་འབྲས་བུ་དང་།། ལུང་ལ་མ་བརྟེན
173b6 མན་ངག་དང་།། སེམས་ལ་མི་ལྟོས་སངས་རྒྱས་དང་།། འབྱུང་བ་བཞི་ལ་རག་མ་ལུས།། འབྲས་བུ་གཞན་ལ་རེ་བ་མེད།། དུས་གསུམ་སངས་རྒྱས་ངོ་བོ་དང་།། དྲུག་ཚན་ཐ་མའི་ཆོས་རྣམས་ནི།། སྟོང་པ་ཐུན་མོང་མ
iiif viewer powered by OpenSeadragon
