| e-texts navigator |
| Wylie |
173a1 ངག་དང་།། འདམ་སྐྱེས་ལྟ་བུའི་མན་ངག་དང་།། མྱུ་གུ་ལྟ་བུའི་མན་ངག་དང་།། སྨན་པ་ལྟ་བའི་མན་ངག་དག། གསེར་འགྱུར་ལྟ་བུའི་མན་ངག་གོ། གླང་ཆེན་ལྟ་བུའི་སྤྱོད་པ་དང་།། སེང་གེ་ལྟ་བུའི་སྤྱོད
173a2 པ་དང་།། དགེ་སློང་ལྟ་བུའི་སྤྱོད་པ་དང་།། རི་དྭགས་ལྟ་བུའི་སྤྱོད་པ་དང་། བུང་བ་ལྟ་བུའི་སྤྱོད་པ་དང་།། སྔགས་པ་ལྟ་བུའི་སྤྱོད་པ་དང་།། བག་མ་ལྟ་བུའི་སྤྱོད་པ་དང་།། ལྟ་བ་བསྒོམ་པ་སྤྱོད་པ་གསུམ།། གཅིག་ལ
173a3 གཅིག་བརྟེན་གཅིག་གི་དང་།། སྟོང་ཉིད་རྟོགས་པ་ལྟ་བ་ཡིན།། རྟོགས་པ་ལམ་ཁྱེར་བསྒོམ་པ་ཡིན།། གྲོགས་སུ་ཤར་བས་སྤྱོད་པའོ།། རིན་པོ་ཆེ་འཕགས་ལམ་བཀོད་པའི་རྒྱུད་ལས། བལྟ་བསྒོམ་ཟུང་དུ་འཇུག་པའི
173a4 ལེའུ་སྟེ་གསུམ་པའོ།། །། རྡོ་རྗེ་སེམས་དཔས་ཡང་ཞུས་པ། ཀུན་རིག་ཆོས་ཀྱི་རྒྱལ་པོ་ལ།། རིག་པའི་ཡིད་ཀྱིས་འདི་སྐད་གསོལ།། འདུས་པའི་འཁོར་གྱི་དོན་ཆེད་དུ།། སངས་རྒྱས་པ་དང་སེམས་ཅན
173a5 གཉིས།། གཅིག་པ་ལགས་སམ་ཐ་དད་ལགས།། དེ་སྐད་གསུངས་པའི་དོན་གསན་ནས།། ཀུན་རིག་སྟོན་པས་འདི་སྐད་གསུངས།། ཞུས་པའི་དོན་ལ་ལན་འདེབས་པས།། འདུས་པའི་འཁོར་རྣམས་ལེགས་པར
173a6 ཉོན།། གདོད་ནས་དག་པའི་གཞི་ཉིད་ལ།། སངས་རྒྱས་དང་ནི་སེམས་ཅན་གཉིས།། གཉིས་སུ་ཡོད་པ་མ་ཡིན་ནོ།། གཞི་ཉིད་རྟོགས་པའི་སངས་རྒྱས་ནི།། སྐུ་དང་ཡེ་ཤེས་གཉིས་སུ་གནས།། དེ་མ་རྟོགས་པའི
iiif viewer powered by OpenSeadragon
