| e-texts navigator |
| Wylie |
172a1 འབེབས་པའི་དུས་ཉིད་དུ།། མིང་གི་མཚོན་པ་ཐ་དད་ཀྱང་།། གཏན་ལ་ཕབ་པའི་གང་ཟག་ལ།། རྟོགས་པའི་དུས་ན་དབྱེ་བ་མེད།། ཟུང་འཇུག་རབ་ཏུ་མི་གནས་པས།། ཟིན་པ་གཏན་ལ་འབེབས་པ
172a2 ལ།། བླ་མ་མཁས་པའི་མན་ངག་ནི།། གཉིད་གསུམ་གཅིག་ཏུ་བསྲེ་བ་དང་།། བེམ་རིག་གཅིག་ཏུ་བསྲེ་བ་དང་།། བདག་གཞན་གཅིག་ཏུ་བསྲེ་བ་དང་།། འཁོར་འདས་གཅིག་ཏུ་བསྲེ་བ་དང་།། བསྲེ་བའི་ཐབས་དང
172a3 འདྲེས་པའི་ཚད།། འདྲེས་པའི་དགོས་པ་ཤེས་པར་བྱ།། ཡི་གེ་འབྲུ་གསུམ་རང་བཞིན་ནི།། དབྱིངས་ཀྱི་ཡི་གེ་སྟོང་པ་ཉིད།། གསལ་བ་སྟོབས་ཀྱི་ཡི་གེ་ཡིན།། ཆོས་ཀྱི་སྐུ་ལ་ཡི་གེ་མེད།། རིག་པའི་ཡི་གེ་གསལ་བ
172a4 ཡིན།། ཉམས་སུ་མྱོང་བས་ཡི་གེ་ཡིན།། ལོངས་སྤྱོད་རྫོགས་པའི་ཡི་གེ་ཡིན།། རྩལ་གྱི་ཡི་གེ་གཉིས་སུ་མེད།། འགྲོ་དོན་བྱེད་པས་ཡི་གེ་ཡིན།། སྤྲུལ་པའི་སྐུ་ཡི་ཡི་གེ་ཡིན།། སྐུ་གསུམ་དབྱེར་མེད་ཡི་གེ་ནི།། ཡི་གེ་ཨ
172a5 ནི་སྐྱེ་བ་མེད།། སྐྱེ་བ་མེད་ལས་ཐམས་ཅད་སྐྱེས།། སྐྱེས་ཙམ་ཉིད་ན་སྐྱེ་བ་མེད།། མ་ཡི་ཡོན་ཏན་འགག་པ་མེད།། འགག་པ་མེད་ལས་ཐམས་ཅད་འགག། འགག་པ་ཉིད་ནས་འགག་པ་མེད།། ཧ་ཡིས་བྲི་དང་གང་བ
172a6 མེད།། བྲི་གང་མེད་ལས་བྲི་གང་བྱུང་།། བྱུང་ཙམ་ཉིད་ན་བྲི་གང་ཟེར།། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པ་ཆོས་རྗེ་ལགས།། ལྟ་བ་སྒོམ་པ་སྤྱོད་པ་གསུམ།། མཐུན་པའི་དཔེ་དང་མི་མཐུན
iiif viewer powered by OpenSeadragon
