| e-texts navigator |
| Wylie |
171b1 གཏད།། རིན་ཆེན་མཆོད་རྟེན་སྤྱི་བོར་བསམ། དྲིན་ཆེན་བླ་མ་དེ་ཐོག་ཏུ།། དམིགས་པ་གསལ་བས་ཞི་བར་འགྱུར།། དེས་ཀྱང་ཞི་བ་བག་དཀའ་ན།། བུ་ག་མང་པོའི་སྦྱོར་བ་དང་།། རབ་ཏུ་དམའ་བའི་ཏིང་འཛིན།
171b2 དང་།། རྟེན་འབྲེལ་གཞན་ཡང་ཤེས་པར་བྱ།། དེ་ཡིས་མི་ཞི་མི་སྲིད་དོ།། སྒོམ་སྣང་ཐེ་ཚོམ་ཟ་བ་ནི།། སྐྱོན་དང་ཡོན་ཏན་ཤེས་པར་བྱ།། ལུས་ལ་རྩ་ཡིག་སྣ་ཚོགས་གནས།། རྩ་ཡིག་གནས་སུ་རླུང་སེམས
171b3 འདུས།། རིགས་དྲུག་སྣང་བ་དག་ཀྱང་མཐོང་།། སྲིན་པོ་ཤ་ཟ་ལ་སོགས་པ།། མི་སྡུག་འཇིགས་པའི་སྣང་བ་མཐོང་།། ནང་གི་རྟེན་འབྲེལ་མ་ཤེས་པས།། བར་ཆད་བདུད་ཀྱི་ལས་ཡིན་པས།། བསམ་གཏན་འདོད
171b4 བའི་འཕྲང་ཡིན་གསུངས།། གདམས་ངག་སརྒ་མ་ལོག་པས།། ནང་གི་རྟེན་འབྲེལ་ཤེས་པར་བྱ།། ཕྱི་རོལ་འཇིགས་པ་ངོ་ཤེས་པས།། བར་གཅོད་དངོས་གྲུབ་དག་ཏུ་ལེན།། རིན་པོ་ཆེ་འཕགས་ལམ་བཀོད་པ་ལས།།
171b5 རིག་པ་རྩལ་གྱི་དབང་བསྐུར་བའི་ལེའུ་སྟེ་གཉིས་པའོ།། །། རྡོ་རྗེ་སེམས་དཔས་ཡང་ཞུས་པ།། སྟོན་པ་གསང་བའི་བདག་པོ་ལགས།། དུས་གསུམ་མཁྱེན་པའི་རྡོ་རྗེ་འཆང་།། ཐེ་ཚོམ་གཅོད་ཕྱིར་འདི་སྐད
171b6 གསོལ།། ཕྱི་རབས་རྣམས་ལ་ཕན་གདགས་ཕྱིར།། ལྟ་བ་དང་ནི་སྒོམ་པ་གཉིས།། གཅིག་པ་ལགས་སམ་ཐ་དད་ལགས།། འདུས་པའི་འཁོར་ལ་བསྟན་དུ་གསོལ།། ཀུན་རིག་སྟོན་པས་བཀའ་སྩལ་པ།། གཏན་ལ
iiif viewer powered by OpenSeadragon
