| e-texts navigator |
| Wylie |
170b1 དང་དམིགས་པའི་གནད། སྤྱོད་ལམ་གནད་དུ་ཤེས་པར་བྱ།། རྒོད་པ་ལ་ཡང་དེ་བཞིན་ཏེ།། ངོ་བོ་རྒྱུ་དང་དབྱེ་བ་དང་།། བཅོས་པའི་ཐབས་དང་བཞི་རུ་བཤད།། ངོ་བོ་ཡུལ་རྐྱེན་རྗེས་སུ་འབྲེལ།། རྒྱུ་ནི་རླུང་ཤས་ཆེ
170b2 བ་དང་།། འདོད་པ་དག་གིས་བསྐྱེད་པའོ།། དབྱེ་བའི་ཚུལ་ནི་རྣམ་པ་གསུམ།། ཆེད་དུ་བྱས་དང་རྐྱེན་གྱིས་རྒོད།། རང་བཞིན་ཤུགས་ཀྱིས་རྒོད་པའོ།། བཅོས་པའི་ཐབས་ནི་མང་ཡོད་ཀྱང་།། བསྟན་པའི་སྙིང་པོ
170b3 གསུམ་དུ་འདོད།། དང་པོ་འཇུག་པའི་སྒོ་ཡང་དགག། བར་དུ་འགྲོ་བའི་ལམ་ཡང་གཅོད།། ཐ་མ་གནས་པའི་ཕུག་གཏིབ་བོ།། རླུང་ལོག་པ་ཡང་རྣམ་པ་བཞི།། རྒྱུ་རྐྱེན་སྐྱོན་དང་དབྱེ་བ་དང་།། བཅོས་པའི་ཐབས་ནི
170b4 ཤེས་པར་བྱ།། རྒྱུ་ནི་བསོད་ནམས་མ་བསགས་པས།། ལུས་དང་ཁམས་ནི་ངན་པའོ།། རྐྱེན་ནི་དཀའ་ཐུབ་དྲག་པོ་ཡིས།། འབྱུང་བ་འཁྲུགས་པར་ཤེས་པར་བྱ།། སྐྱོན་ནི་ལུས་ཀྱི་འོག་བཞུག་ན།། འདས་ན་ཚེ་ཡི་འདུ
170b5 བྱེད་བྱེད།། སེམས་སྐྱོན་ཏིང་འཛིན་མི་གསལ་ཞིང་།། སྙིང་རླུང་ལ་སོགས་འབྱུང་བར་འགྱུར།། ལོག་པར་དབྱེ་ན་གསུམ་དུ་འདུས།། ཕྱི་རླུང་ལུས་ལ་ལོག་པ་དང་།། ནང་རླུང་རྩ་ལ་ལོག་པ་དང་།། གསང་རླུང་སེམས
170b6 ལ་ལོག་པའོ།། ཕྱི་རླུང་ལུས་ལ་ལོག་པའི་རྟགས།། ལུས་པོ་ཁོལ་བུར་ན་བ་དང་།། གྲང་ཞིང་ལུས་པོ་ལྕི་བ་དང་།། ཤ་རུས་སྐྲངས་ཤིང་ན་བར་འགྱུར།། ནང་རླུང་རྩ་ལ་ལོག་པའི་རྟགས།། རྩ་ཡི་ནང་དུ་རླུང་རྣམས
iiif viewer powered by OpenSeadragon
