| e-texts navigator |
| Wylie |
170a1 མི་བྱ་གཤིས་ལ་གཞག། རྗེས་ཤེས་གཉེན་པོ་བསྟེན་མི་དགོས།། རང་སར་བཞག་པས་གནས་སུ་དེངས།། མི་བསྒོམ་ཉམས་ལ་ངོ་སྤྲད་པས།། རིག་པ་རྗེན་པ་མཐའ་དང་བྲལ།། མཐའ་བྲལ་ཆོས་ཀྱི་སྐུ
170a2 རུ་ཤར།། ཞེས་གསུངས་སོ།། རྡོ་རྗེ་སེམས་དཔས་ཡང་ཞུས་པ།། མཉམ་པ་མེད་པའི་རྡོ་རྗེ་འཆང་།། ཁྱེད་ཀྱིས་གསུངས་པའི་ལག་ལེན་ལ།། མོས་པས་རྗེས་སུ་ཡི་རང་ནས།། གུས་པའི་སེམས་ཀྱིས་ཁྱེད་ལ
170a3 འདུད།། ཡང་དག་དོན་ལ་ཡང་ཞུས་པ།། མི་མཐུན་གེགས་རྣམས་བསལ་དགོས་པས།། དེ་ཡི་བྱེ་བྲག་བཤད་དུ་གསོལ།། གསང་བའི་བདག་པོས་བཀའ་སྩལ་པ།། ཁྱེད་ཀྱིས་ཞུས་པའི་དོན་དེ་ལ།། ལེགས་པར་ལན
170a4 ནི་གདབ་པར་བྱ།། གུས་པའི་སེམས་ཀྱིས་ཉན་པར་མཛོད།། བསམ་གཏན་གེགས་ནི་རྣམ་བཞི་སྟེ།། བྱིང་དང་རྒོད་དང་རླུང་ལོག་དང་།། བསྒོམ་སྣང་ཐེ་ཚོམ་ཟ་བ་ནི།། བསམ་གཏན་གེགས་སུ་བཤད་པ་ཡིན།། བྱིང
170a5 པའི་སེམས་ལ་རྣམ་པ་བཞི།། ངོ་བོ་རྒྱུ་དང་དབྱེ་བ་དང་།། བཅོས་པའི་ཐབས་སུ་ཤེས་པར་བྱ།། ངོ་བོ་ཤེས་པ་མི་གསལ་ཞིང་།། ཡོན་ཏན་ཕྱོགས་ལ་བློ་འགག་པའི།། རྒྱུ་ནི་ས་ཤས་ཆེན་པོ་དང་།། བད་ཀན་དག་གིས
170a6 བསྐྱེད་པའོ།། དབྱེ་བ་རྣམ་པ་གསུམ་ཡིན་ཏེ།། ཆེད་དུ་བྱས་དང་རྐྱེན་གྱིས་བྱིང་།། རང་བཞིན་ཤུགས་ལས་བྱིང་བའོ།། བཅོས་པའི་ཐབས་ནི་བསམ་ཡས་ཀྱང་།། གཞུང་ལུགས་འདི་ལ་གསུམ་ཡིན་ཏེ།། རླུང་གི་གནད
iiif viewer powered by OpenSeadragon
