| e-texts navigator |
| Wylie |
16b1 འགྲོ་གནས་པ་ཡིན།། ཉི་མ་མདངས་དང་ཆས་པ་བཞིན། རྩ་དང་མཁའ་འགྲོ་རང་ཆས་ཡིན།། ལྟེ་བ་སྤྲུལ་པའི་འཁོར་ལོ་ནི།། འཇིགས་སུ་རུང་བའི་གནས་ཞེས་བྱ།། དེ་ཡང་གོང་དུ་རིམ་པས་ཤེས། དེ་ལ་དྲུག་ཅུ་རྩ
16b2 བཞི་གནས།། འཁོར་ལོ་མཚོན་ཆ་འདྲ་བ་ལ།། འཇིགས་སུ་རུང་བའི་གནས་ཞེས་བྱ།། དེ་ཡང་གོང་དང་འདྲ་བ་ལ།། ཐབས་ཀྱི་རྩ་ལ་མཁའ་འགྲོ་བཅུ།། ཤེས་རབ་རྩ་ལ་དེ་བཞིན་ནོ།། ཡོན་ཏན་རྩ་ཡང་དེ་བཞིན
16b3 ནོ།། རང་རྒྱུད་རྩ་ལ་མཁའ་འགྲོ་བཅུ།། ཡེ་ཤེས་རྩ་ལ་གཉིས་གནས་ཏེ།། དྲུག་ཅུ་རྩ་བཞི་འཁོར་བཅས་རྣམས།། མཚོན་ཆ་འཁོར་ལོ་འབར་བ་བསྣམས།། འགྲོ་དྲུག་གྲོང་ཁྱེར་དམྱལ་ཐག་ཆོད།། འཇིགས་སུ་རུང་བའི
16b4 གནས་ཞེས་བྱ།། མན་ཤེས་འོད་དང་ཆས་པ་བཞིན།། རྩ་དང་མཁའ་འགྲོ་རང་ཆས་ཡིན།། གསང་བ་རྡོ་རྗེ་ལྟ་བུའི་རྩ།། རྡོ་རྗེ་རྩེ་གསུམ་ལྟ་བུ་ཡོད།། ཁ་ཊྭཱཾ་དུང་ཅན་ཤིན་ཏུ་དཀོན།། དེ་ཡི་མཚན་ཉིད་བསྟན་པ
16b5 ནི།། མས་འགེབ་བུས་སེ་མིག་སྨིན་འབྱར།། བྱ་ལག་ཆུ་རྐང་སྐྲ་ལོ་སེར།། ལྟག་རྩ་འཁོར་བར་ཡོད་པ་ལ།། པོ་སྐད་ཅན་དང་གདོང་ཚུགས་ལྟ།། བབ་ཅོལ་སྨྲ་ཞིང་ཟུར་འགྲོས་བྱེད།། དེ་ལ་དུང་ཅན་ཡོད་པ་ནི།། མཁའ
16b6 འགྲོ་མ་ཡི་རིགས་སུ་བཤད།། དེ་ཡིས་བདེ་བ་ཁྱད་འཕགས་པས།། བདེ་བ་ཅན་གྱི་གནས་ཞེས་བྱ།། གཡས་ན་ཐབས་ཀྱི་མཁའ་འགྲོ་ནི།། གླང་པོ་གདོང་ཞེས་བྱ་བ་ཡོད།། གཡོན་ན་ཤེས་རབ་མཁའ་འགྲོ་མ།། ཁ་ཁ
iiif viewer powered by OpenSeadragon
