| e-texts navigator |
| Wylie |
169a1 མཁྱེན་པས་གསུང་དུ་གསོལ།། ཀུན་རིག་སྟོན་པས་བཀའ་སྩལ་པ།། བསླབ་པའི་ཡུལ་ནི་རྣམ་པ་གསུམ།། དད་པས་ཡང་ནས་ཡང་དུ་ཞུ་བ་དང་།། སྐབས་མེད་སྐྱབས་སུ་གསོལ་བ་དང་།། སྡུག
169a2 བསྔལ་དྲག་པོས་ཉེན་པའོ།། བསླབ་པའི་ཡུལ་མིན་རྣམ་གསུམ་ནི།། ཤེད་མེད་སྟོབས་དང་བྲལ་བ་དང་། བསླབ་ཉེས་དོན་ལས་དྲེད་པ་དང་།། ལང་ཚོའི་དྲི་མས་ཕོག་པའོ།། བསླབ་པའི་ལུགས་ནི་རྣམ
169a3 གསུམ་སྟེ།། གདམས་པ་ཉམས་བསྡུས་བསླབ་ལུགས་དང་།། སྦྱོར་བ་བཙན་ཐབས་བསླབ་ལུགས་དང་།། མངོན་སུམ་གྲ་སློབ་བསླབ་ལུགས་སོ།། སློབ་ལུགས་དེ་ཡིས་མཚོན་བྱས་ནས།། མ་བཅོས་སྙིང་པོའི་གནས
169a4 ལུགས་ནི།། ཁྱབ་ཅན་གཟུགས་ཅན་མ་ཡིན་ཀྱང་།། ཐམས་ཅད་དུ་ནི་འགྲོ་འོང་མེད།། སངས་རྒྱས་ཐོག་མ་མཐའ་མེད་པས།། བརྡའ་འམ་ཐབས་ཀྱིས་དེ་རྟོགས་པས།། ཉོན་མོངས་ནད་རྣམས་ཞི་བར་བྱེད།། ཞེན་མེད
169a5 རང་བྱུང་སྨན་ཆེན་གྱིས།། འཛིན་པ་འཁོར་བའི་ནད་རྣམས་སེལ།། རིན་པོ་ཆེ་འཕགས་ལམ་བཀོད་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། རྡོ་རྗེ་སེམས་དཔས་ཡང་ཞུས་པ།། ཀུན་རིག་སྟོན་པ
169a6 ཆོས་རྗེ་ལགས།། མཉམ་པའི་རྒྱལ་པོ་ཐམས་ཅད་མཁྱེན།། རང་གི་སེམས་ཉིད་འདྲེར་ལངས་ནས།། བྱང་ཆུབ་སྲོག་རྩ་གཅད་པ་ལ།། དེ་ཡི་གདུལ་ཐབས་གསུང་དུ་གསོལ།། ཀུན་ཏུ་བཟང་པོས་བཀའ་སྩལ
iiif viewer powered by OpenSeadragon
