| e-texts navigator |
| Wylie |
168a1 རྒྱ་གར་སྐད་དུ། རཏྣ་ཨཱརྠ་པནྡི་བྷུ་ཧ་ཏནྟྲ་ནཱ་མ། བོད་སྐད་དུ། རིན་པོ་ཆེ་འཕགས་ལམ་བཀོད་པའི་རྒྱུད་ཅེས་བྱ་བ། བཅོམ་ལྡན་འདས་ཀུན་རིག་སྟོན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས
168a2 པའི་དུས་གཅིག་ན། བཅོམ་ལྡན་འདས་རང་ཤེས་རིག་གི་རྒྱལ་པོ་དེ། འོག་མིན་གྱི་གནས་རྒྱ་ཡོངས་སུ་མ་ཆད་པ། རྒྱན་མ་བཀོད་པར་སྣང་བ་ཞེས་བྱ་བ་ན། ཉིད་ལས་མི་གཞན་པའི་འཁོར་རྣམས་དང་།། མཁའ་འགྲོ
168a3 མ་ཡི་ཚོགས་རྣམས་ལ། བསྟན་པའི་སྙིང་པོ་འཆད་པའི་དུས།། འཁོར་དེ་རྣམས་ཀྱི་ནང་དུ། རྡོ་རྗེ་སེམས་དཔའ་གནས་པ་རང་གི་སྟན་ལས་ལངས་ཏེ། ཀུན་རིག་སྟོན་པ་ཆོས་རྗེ་ལ། རིག་པ་ཉིད་ཀྱིས་འདི་སྐད
168a4 ཞུས།། རང་སྣང་རྣམ་དག་རང་བཞིན་ལ།། སྣ་ཚོགས་འབྱུང་བ་ཇི་ལྟར་ལགས།། བསྟན་པའི་སྙིང་པོ་གསུང་དུ་གསོལ།། ཀུན་རིག་སྟོན་པས་བཀའ་སྩལ་པ།། རིགས་ཀྱི་བུ་ལེགས་པར་ཉོན་ཅིག། རང་སྣང་རྣམ་དག
168a5 ང་བཞིན་ལ།། སྣ་ཚོགས་སུ་སྣང་སེམས་ཀྱི་ཡུལ།། བསྟན་པའི་སྙིང་པོ་བདག་མེད་བསྟན།། ངོ་བོ་ཉིད་ལ་གཟུང་འཛིན་མེད།། འཛིན་པའི་སྤྱོད་ཡུལ་མ་ཡིན་པས།། བདག་མེད་མྱ་ངན་འདས་པའི་ལམ།། ཞེ་འདོད
168a6 གཉིས་ཀྱི་མཐའ་དང་བྲལ།། རྒྱུ་རྐྱེན་མེད་པའི་རང་བྱུང་ནི།། འབྱུང་བ་བཞི་ཡི་མཐའ་ལས་གྲོལ།། ཕྱོགས་འཛིན་མེད་པས་མཉམ་པ་ཉིད།། རྣམ་རྟོག་མེད་པས་ཆོས་ཀྱི་སྐུ།། ས་ལེ་མཁྱེན་པས་ཡེ་ཤེས་ཡིན།། ཞེས
iiif viewer powered by OpenSeadragon
