| e-texts navigator |
| Wylie |
15a1 ཡང་རང་དངས་བསྐམ་པར་འགྱུར།། ཤིང་ཕུང་ལྗོན་པའི་རྩ་བ་ཆོད་ཙན།། ལོ་མ་མེ་ཏོག་འབྲས་ལྡན་བསྐམ་པར་འགྱུར།། དེ་བཞིན་སྒྲིབ་པའི་རྩ་བ་ཡིན་པར་ཤེས་པ་ལ།། འགྱུ་བ་ཤེས་པས་གོང
15a2 ལྟར་ཐམས་ཅད་ཆོད།། རྩ་བ་གཅིག་གི་དོན་རྟོགས་ན།། དཔེར་ན་ཛེ་ཏའི་སྨན་བཞིན་དུ།། གང་ལ་རེག་པ་སྨན་དུ་འགྱུར།། དེ་བཞིན་ཅིར་སྣང་ཅིར་འགྱུས་ཡང་།། ཡེ་ཤེས་དག་ལ་འདས་པ་ནི།། སྐད་ཅིག་ཙམ་ཡང
15a3 མི་སྲིད་དོ།། དབང་པོ་བསམ་པ་དང་སྦྱར་དུ།། འགྱུ་བ་གཅིག་པོའི་སྤྱི་ཁྱབ་ཡིན།། ཁྱབ་པ་གཅིག་པོའི་དོན་ཤེས་ན།། ཐམས་ཅད་སངས་རྒྱས་དགོངས་པ་ཡིན།། དབང་པོ་འདི་ལ་རྣོ་བརྟུལ་མེད།། འགྱུ་བ་བྱིན་རླབས
15a4 སྣང་ཕྱིར།། ཐོས་པ་འདི་ལ་ཆེ་ཆུང་མེད།། འགྱུ་བ་ཡི་ནས་དངོས་མེད་ཕྱིར།། དབང་པོ་བློ་ལ་རྣོ་བརྟུལ་མེད། འགྱུ་བ་རང་གྲོལ་འཆར་བའི་ཕྱིར།། དད་པ་འདི་ལ་ཆེ་ཆུང་མེད།། འགྱུ་བ་རང་ལས་བྱུང་བའི་ཡེ་ཤེས
15a5 ལ།། དད་པ་བཟང་པོས་འགྲུབ་པ་མེད།། གནད་ཀྱི་གདམས་པས་ངོ་སྤྲད་ན།། སྨན་གྱི་རྒྱལ་པོ་ཛེ་ཏ་བཞིན།། གང་ལ་རེག་པ་སྨན་དུ་འགྱུར།། དེ་བཞིན་རྣམ་པ་ཅིར་སྣང་ཡང་།། རང་སྣང་ཡེ་ཤེས་འབའ་ཞིག
15a6 ཡིན།། དཔེར་ན་རྩི་མཆོག་མ་གི་བཞིན།། གང་ལ་རེག་པ་དྲི་རུ་འགྱུར།། དེ་བཞིན་འགྱུ་ཚད་ཡེ་ཤེས་འབར།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། གསང་བའི་སྐྱེ་རྒྱུད་རྩད་བཅད་པའི་ལེའུ་སྟེ།
iiif viewer powered by OpenSeadragon
