| e-texts navigator |
| Wylie |
154b1 སོ།། ཀུན་ཏུ་བཟང་པོ་རིག་པ་རང་གི་རྩལ་ཤར་བའི་རྒྱུད་ལས། དབྱེ་ཐབས་འཁོར་ལོའི་མན་ངག་རྒྱ་ཆེ་གྲུབ་མཐའི་ལེའུ་སྟེ་བཅུ་པའོ།། །། དེ་ནས་རང་གྲོལ་རིག་པའི་རྒྱལ་པོ་ཀུན་ཏུ་བཟང་པོ་དེས། རྡོ་རྗེ
154b2 སེམས་དཔའ་ལ་བཀའ་སྩལ་པ།། རིག་པ་རྩལ་འབྱོངས་རྣལ་འབྱོར་ལ།། དྲོད་རྟགས་མཐར་ཕྱིན་འདི་ལྟར་འབྱུང་།། ཕྱི་དང་ནང་དང་གསང་བ་གསུམ།། འོད་དང་ཉི་ཤར་ཤེས་པ་འཕྱོ།། ཕྱོགས་རིས་མེད་དང་འདོད
154b3 པ་ཆུང་།། འབྲས་བུ་དག་ལ་མི་རེ་ཞིང་།། གཡེངས་པ་བདུད་ལ་ཉམ་པ་མེད།། རིག་པའི་ཆོ་འཕྲུལ་དག་ཏུ་འཆར།། གབ་པ་མངོན་ཕྱུང་མཐར་ཕྱིན་རྟགས།། ཕྱི་ནང་གསང་བ་གསུམ་དུ་འདུས།། ནམ་མཁའི་མཐོང་ཕྱེ
154b4 སྙིང་རྗེ་ཆེ།། ཆགས་མེད་བླ་མ་མཆེད་གྲོགས་གདུང་།། དམ་ཚིག་ལ་གནས་ཉེ་རིང་མེད།། སྤྱོད་ཡུལ་གང་ལ་ཞེ་འདོད་མེད།། ཡེ་ཤེས་ཟང་ཐལ་མཐར་ཕྱིན་རྟགས།། ཕྱི་ནང་གསང་བ་གསུམ་དུ་འབྱུང་།། ནམ་མཁར
154b5 འགྲོ་དང་ཐོགས་པ་མེད།། ལུས་ཡོད་མི་ཚོར་སྙམ་བྱེད་བྲལ།། སྤྱོད་ཡུལ་གང་ལ་ཡང་འཛིན་མེད་པའོ།། ཟུག་ཕྲད་གོམས་རྟགས་ངོ་ཤེས་ན།། ཕྱི་ནང་གསང་བའི་རྟགས་གསུམ་འབྱུང་།། གང་ལ་ཞུམ་མེད་སྐྱེངས་མེད
154b6 དང་།། གཙང་སྨེ་བླང་དོར་སྤང་ལེན་མེད།། ཅེར་མཐོང་ཐུག་ཕྲད་ཡེ་ཤེས་ཤར།། ཅོག་བཞག་ཀློང་གྱུར་མི་རྩོལ་རྟགས།། ཕྱི་དང་ནང་དང་གསང་བ་གསུམ།། རྩོལ་བ་ཆུང་དང་ཁོང་ཁྲོ་མེད།། ལུས་སེམས་རང
iiif viewer powered by OpenSeadragon
