| e-texts navigator |
| Wylie |
14b1 གཅིག་ཆོམས།། འདྲེ་ཡི་སྐྱེ་རྒྱུད་ཆོད་པས་བར་གཅོད་དུས་གཅིག་ཞི།། བདེ་སྡུག་སྐྱེ་རྒྱུད་ཆོད་པས་འཁོར་བ་རང་སར་གྲོལ།། ཐིག་ལེ་རང་ལ་ཤར་བས་མཐའ་བཞི་དྲས་ཐག་ཆོད།། མེ་ཆུ་གཉིས་ཀྱི་ཚ་གྲང་བསྙམས
14b2 པས་བཙོ་བསྲེག་ཁར་མི་ལྟུང་།། ས་དང་རླུང་གཉིས་མཚན་ཉིད་ཤེས་པས་བྱིང་རྒོད་རང་སར་གྲོལ།། མཁའ་དང་འགྱུ་བའི་ཆོས་ཉིད་ཤེས་པས་དགོངས་པ་རྣམ་པར་དག། རྣམ་ཤེས་འོད་གསལ་ཤེས་པས་བར་དོ་ཚད
14b3 ལས་གྲོལ།། རིག་པ་ཡེ་ཤེས་ཤེས་པས་མཁྱེན་པའི་ཞིང་ཁམས་འཆར།། ཐིག་ལེ་ཡེ་ཤེས་ཤར་བས་སངས་རྒྱས་དགོངས་པ་ཤར།། འགྱུ་བ་ཟང་ཐལ་ཤར་བས་བྱིན་རླབས་ཕྱོགས་མེད་འཆར།། འགྲོ་དྲུག་རང་སར
14b4 གྲོལ་བས་སངས་རྒྱས་ཡུལ་མེད་འཆར།། འཁོར་བ་རང་སར་གྲོལ་བས་འགྲོ་དྲུག་འཁྱམ་ས་མེད།། སྣོད་བཅུད་ཕྱི་ནང་མེད་པས་གཟུང་འཛིན་དངས་ས་མེད།། རིག་པ་ཁོང་ནས་ཤར་བས་མ་རིག་དངས་ས
14b5 མེད།། ཤེས་རབ་ཁོང་ནས་ཤར་བས་སྒྲིབ་པ་བྱང་བ་མེད།། འགྱུ་བ་ཟང་ཐལ་ཤར་བས་ལས་ཀྱི་འཁོར་ས་མེད། དུག་ལྔ་རང་སར་གྲོལ་བས་ཉོན་མོངས་སྐྱེས་ས་མེད།། གཟུང་འཛིན་དཀར་ནག་གྲོལ་བས་ཤེས་བྱའི
14b6 སྒྲིབ་པ་མེད།། ལུས་ཀྱི་མཐའ་གཞི་ཆོད་པས་རྣམ་སྨིན་གོལ་ས་མེད།། སྒྲིབ་པ་བཅུ་གཉིས་བསྡུས་པས་བཞི་རུ་འདུས།། དེ་ཡང་གསུམ་འདུས་གསུམ་པོ་གཅིག། རྒྱ་མཚོའི་གཏིང་གིས་ལུ་མའི་རྩད་ཆོད་ན།། རྒྱ་མཚོ་ཆེ།
iiif viewer powered by OpenSeadragon
