| e-texts navigator |
| Wylie |
14a1 ནོར་གྱི་ལྷ་བརྒྱད་དོ།། ལྷན་ཅིག་སྐྱེས་པའི་འདྲེ་དགུ་པོ།། དེ་ཡི་བཅོས་ཐབས་མ་ཤེས་ན།། བར་ཆོད་སེལ་བའི་དུས་མི་མཆི།། དེ་ལ་དང་པོ་བར་དང་ཐ་མ་གསུམ།། དེ་གསུམ་ཛ་སྤྱོད་མ་ཤེས་ན།། རྣམ
14a2 རྟོག་རང་གྲོལ་དུས་མི་མཆི།། ཀྱེ་རིགས་ཀྱི་བུ་ཁྱོད་ཉོན་ཅིག། གསང་བའི་སྐྱེ་དགུ་རྩད་གཅོད་ནི།། སྐྱེ་གཞིའི་རྩ་བ་མཆོད་ན།། རྒྱ་མཚོའི་ལྦུ་བ་སུབ་པ་འདྲ།། སྐྱེ་དགུའི་རྩ་བ་མཆོད་ན།། ཆུ་གཏིང་ཟླ་བར་རྡོ་བརྡེག
14a3 འདྲ།། དངོས་པོའི་སྐྱེ་རྒྱུད་མ་ཆོད་ན།། སྨྱོན་པའི་ལག་དུ་སྨན་འགྱེད་འདྲ།། གཞི་ལམ་སྐྱེ་རྒྱུད་གཅོད་པ་ལ།། དགའ་བོ་འཇོག་པོའི་ནོར་བུ་ལྟར།། དུག་ལ་མི་འཇིགས་ནོར་བུ་རྙེད་པ་ལྟར།། དངོས་པོ་སྤང་དང་སྦྱང་བ
14a4 དང་།། བསྒྱུར་དང་རང་སྣང་ཡིན་ཟེར་བ།། དེ་ཡི་འབྲས་བུ་སྒྲིབ་པ་ཡིན།། ཀྱེ་རིགས་ཀྱི་བུ་ཉོན་ཅིག། འགྱུས་ནི་རང་གྲེལ་ཟུང་འཇུག་མེད།། ལྷ་བརྒྱད་ངོ་སྤྲོད་དེ་ཡིན་ནོ།། འགྱུས་ན་མ་རིག་བདུད་དུ་འབྱུང་།། འགྱུ་བ
14a5 གཅིག་གི་རྩད་ཆོད་ན།། ཚིག་ཆོད་ངོ་སྤྲོད་དེ་ཡིན་ནོ།། གཅིག་པོ་རང་གྲོལ་ཤེས་ཙམ་ན།། ལྷ་འདྲེ་དབང་དུ་འདུས་པས་འབྱུང་པོ་ཐུལ།། མཁའ་འགྲོ་ཆོས་སྐྱོང་དབང་དུ་འདུས་པས་འབྱུང་པོ་ཐུལ།། ཉག་གཅིག་ཉམས
14a6 ལས་གྲོལ་བ་རྟོག་གེའི་ཡུལ་ལས་འདས།། མཚན་མ་སྣ་ཚོགས་རང་སར་གྲོལ་བས་ཐིག་ལེ་ཉག་གཅིག་རང་ལ་འཆར།། ལྷ་འདྲེ་གཉིས་མེད་ཤར་བས་དངོས་གྲུབ་པར་ཆོད་མེད།། ལྷ་ཡི་སྐྱེ་རྒྱུད་ཆོད་པས་ཟུག་རྔུ་དུས
iiif viewer powered by OpenSeadragon
