| e-texts navigator |
| Wylie |
145b1 ནི་མྱ་ངན་འདས།། སྡུག་བསྔལ་ཉིད་ཀྱང་བདེ་བ་སྟེ།། མ་བསླབས་ཡོན་ཏན་ཁྱད་པར་ཆེ།། མ་བཙལ་མཐུ་ལ་དཔག་ཏུ་མེད།། མ་བསྒྲུབས་དངོས་གྲུབ་བརྗོད་མི་ལངས།། མ་གསུངས་ཆོས་ནི་བསམ་མི་ཁྱབ།། སངས
145b2 རྒྱས་ཡོན་ཏན་བརྗོད་མི་ལངས།། རྒྱུད་འདི་གསུང་ཐོས་སྟོང་པ་ཉིད།། སྟོང་པ་ཉིད་ཀྱང་རྒྱུད་འདིའོ།། རྒྱུད་འདི་སུས་འཛིན་ཀུན་བཟང་པོ།། ཀུན་བཟང་ཉིད་ཀྱང་རྒྱུད་འདིའོ།། ཡིད་ལ་དྲན་པ་སངས
145b3 རྒྱས་ཐུགས།། སངས་རྒྱས་ཐུགས་ཀྱང་རྒྱུད་འདིའོ།། ཀུན་ཏུ་བཟང་པོས་བཀའ་སྩལ་པ།། རྡོ་རྗེ་སེམས་དཔའ་ཁྱོད་ལེགས་སོ།། ཀུན་ཏུ་བཟང་པོའི་རྒྱུད་ཚིག་འཛིན་པར་གང་བྱེད་པ།། སངས་རྒྱས་ཐུགས་ཀྱིས་རྗེས
145b4 འཛིན་ཡིན།། རྒྱུད་འདི་འཛིན་པའི་ཤེས་རབ་ཅན།། ཐམས་ཅད་ཀྱི་ནི་བདག་ཉིད་ཡིན།། གཉེན་པོས་མ་བཙུན་ཐུགས་ཀྱིས་རྟོགས།། མན་ངག་འདི་ཉིད་ང་ཡིན་ཞེས།། ཀུན་ཏུ་བཟང་པོས་རབ་བཤད་དོ།། གང་ཞིག
145b5 གང་གིས་རྟོགས་འདོད་པས།། མན་ངག་འདི་ལ་བལྟ་བར་གྱིས།། དེ་སྐད་གང་ཡང་མ་གསུངས་པར།། ཀུན་ཏུ་བཟང་པོས་བཀའ་སྩལ་པ།། གཅིག་ཏུ་ཐོབ་པ་མེད་པའི་ཆོས་སྐུ་ཐོབ། བསྒྲུབ་པ་མེད་པའི་འབྲས་བུ
145b6 གྲུབ།། རང་བཞིན་བཙལ་བ་མེད་པར་སངས་རྒྱས་སོ།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་རྫོགས་སོ།། །། དགའ་རབ་རྡོ་རྗེ་ལ་ཞུས་པའོ།། མན་ངག་རྩ་བ་བསྡུས་པའི་རྒྱུད།། ཆོས་ཉིད་མི
iiif viewer powered by OpenSeadragon
