| e-texts navigator |
| Wylie |
144b1 ལྟ་བ་ལ།། གཉིས་མེད་བདེ་བའི་ཆུ་བོ་དབབ།། མ་རྟོགས་རྨོངས་པའི་གཏི་མུག་ལ།། ཤེས་རབ་ཏིང་འཛིན་ཆུ་བོ་དབབ།། བྷ་ག་ཀློང་ཡངས་བདེ་ཆེན་དུ།། སྙིང་པོ་བྱང་སེམས་ཆུ་བོ་དབབ།། མ་རིག་ཉོན་མོངས
144b2 འཁྲུལ་པ་ལ།། ཡེ་ཤེས་འགྱུར་མེད་ཉི་མ་དབབ།། ཡིད་གཉིས་ཐེ་ཚོམ་ཟ་བ་ལ།། སྙིང་པོ་འགྱུར་མེད་ཐོག་ཆེན་དབབ།། རྣམ་རྟོག་བདག་ཏུ་བལྟ་བ་ལ།། སྙིང་པོ་བྱང་ཆུབ་ཆུ་བོ་དབབ།། དེ་ལྟར་དབབ་པར་བསྟན་པ
144b3 ནི།། བྱང་ཆུབ་སེམས་ཀྱི་དབབ་ལུགས་ཏེ།། དབབ་ཏུ་མེད་པས་དབབ་པ་ཡིན།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབབ་པ་བསྟན་པའི་སྐབས་ཏེ་བཅུ་དྲུག་པའོ།། །། རྡོ་རྗེ་སེམས
144b4 དཔས་ཡང་གསོལ་པ།། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱིས་གཅད་པ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། ཆོས་དབྱིངས་བདེ་ཆེན་ཀློང་ཡངས
144b5 སུ།། ཉོན་མོངས་འཁོར་བའི་རྒྱུན་ཟག་གཅད།། ཡིད་གཉིས་ཐེ་ཚོམ་ཟ་བ་ལ།། ཡིད་ཆེས་དད་པས་རྒྱུན་ཟག་གཅད།། སྣང་སྲིད་ཐམས་ཅད་སེམས་ཡིན་ཏེ།། སེམས་ཉིད་ཡིན་པར་རྒྱུན་ཟག་གཅད།། འཁོར་བ་ཐམས
144b6 ཅད་བག་ཆགས་ཏེ།། མྱ་ངན་འདས་པར་རྒྱུན་ཐག་གཅད།། སྡུག་བསྔལ་ཐམས་ཅད་སེམས་ཡིན་ཏེ།། བདེ་བ་ཆེན་པོར་རྒྱུན་ཐག་གཅད།། ཕྱི་ནང་སྣོད་བཅུད་ཐམས་ཅད་ཀུན།། རང་གི་སེམས་ལས་བྱུང་བས
iiif viewer powered by OpenSeadragon
