| e-texts navigator |
| Wylie |
142a1 གཉིས་མེད་ན།། འདི་ཡང་ང་ཡི་སྦྱོར་བ་ཡིན།། ཡུལ་དང་དབང་པོ་གཉིས་མེད་ན། འདི་ཡང་ང་ཡི་སྦྱོར་བ་ཡིན།། ཐབས་དང་ཤེས་རབ་གཉིས་མེད་ན།། འདི་ཡང་ང་ཡི་སྦྱོར་བ་ཡིན།། དབྱིངས་དང་ཡེ
142a2 ཤེས་གཉིས་མེད་ན།། འདི་ཡང་ང་ཡི་སྦྱོར་བ་ཡིན།། ཤེས་རབ་ཏིང་འཛིན་གཉིས་མེད་ན།། འདི་ཡང་ང་ཡི་སྦྱོར་བ་ཡིན།། བདེ་བ་སྡུག་བསྔལ་གཉིས་མེད་ན།། འདི་ཡང་ང་ཡི་སྦྱོར་བ་ཡིན།། སྣང་སྲིད་ཐམས་ཅད
142a3 སེམས་སུ་སྦྱོར།། སེམས་ཉིད་ཡེ་སངས་རྒྱས་པར་སྦྱོར།། འདི་ཡང་ང་ཡི་སྦྱོར་བ་ཡིན།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྦྱོར་བ་བསྟན་པའི་སྐབས་ཏེ་བཅུ་གཉིས་པའོ།། །། རྡོ
142a4 རྗེ་སེམས་དཔས་ཡང་གསོལ་པ།། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་བསྒྲལ་བ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ། ཁམས་གསུམ་རང་གི་སེམས
142a5 སུ་བསྒྲལ།། དེ་ཡང་ང་ཡི་བསྒྲལ་བ་ཡིན།། སྲིད་གསུམ་ཐམས་ཅད་སེམས་ཡིན་པས།། སེམས་ཉིད་ཡེ་སངས་རྒྱས་པ་ཡིན།། འདི་ཡང་ང་ཡི་བསྒྲལ་བ་ཡིན།། རྒྱུད་དྲུག་ཕུང་པོར་སྣང་བ་ཡི།། རང་གི་སེམས་ཏེ་ཡེ
142a6 སངས་རྒྱས།། འདི་ཡང་ང་ཡི་བསྒྲལ་བ་ཡིན།། དུག་ལྔ་ཡེ་ཤེས་ལྔ་རུ་བསྒྲལ།། འདི་ཡང་ང་ཡི་བསྒྲལ་བ་ཡིན།། དུག་གསུམ་སྐུ་གསུང་ཐུགས་སུ་བསྒྲལ།། འདི་ཡང་ང་ཡི་བསྒྲལ་བ་ཡིན།། སྡུག་བསྔལ་བདེ་བ་ཆེན་པོ
iiif viewer powered by OpenSeadragon
