| e-texts navigator |
| Wylie |
140b1 ཀུན་བཟང་པོ།། ཕྲིན་ལས་བཙལ་བ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། དང་པོར་གང་ཡིན་ང་ཡིན་པས།། ང་ནི་སངས་རྒྱས་ཀུན་གྱི་ཡབ།། དེ་ལས་ཕྲིན
140b2 ལས་ཅི་ཞིག་བཙལ།། ང་ནི་ཐམས་ཅད་ཀུན་གྱི་རྗེ།། དེ་ལས་ཕྲིན་ལས་ཅི་ཞིག་བཙལ།། ཐ་མར་ཐབས་ཀྱིས་ང་འདུལ་བས།། ང་ནི་རྣལ་འབྱོར་ཀུན་གྱི་དཔོན།། དེ་ལས་ཕྲིན་ལས་ཅི་ཞིག་བཙལ།། ཁམས་གསུམ
140b3 དག་ན་ང་དབང་ཆེ།། ང་ཡི་གོང་ན་སུ་ཡང་མེད།། དེ་ལ་ཕྲིན་ལས་ཅི་ཞིག་བཙལ།། དུས་གསུམ་མུན་པ་ལྟར་འཐིབས་ཀྱང་།། ང་ལ་བསྒྲིབ་པའི་དུས་མཐའ་མེད།། དེ་ལ་ཕྲིན་ལས་ཅི་ཞིག་བཙལ།། སྟོང་གསུམ་ཉི
140b4 མས་ཁེངས་གྱུར་ཀྱང་།། ང་ལ་ཤར་ཞིང་གསལ་རྒྱུ་མེད།། དེ་ལ་ཕྲིན་ལས་ཅི་ཞིག་བཙལ།། མ་རིག་མུན་པ་ལྟར་འཐིབས་ཀྱང་།། ང་ལ་འཐིབས་ཤིང་གནག་རྒྱུ་མེད།། དེ་ལ་ཕྲིན་ལས་ཅི་ཞིག་བཙལ།། ཉོན་མོངས
140b5 དུག་ཏུ་ལངས་གྱུར་ཀྱང་།། ང་ལ་སྤངས་ཤིང་དོར་དུ་མེད།། དེ་ལ་ཕྲིན་ལས་ཅི་ཞིག་བཙལ།། སྲིད་གསུམ་ཆར་ལྟར་བབས་ན་ཡང་།། ང་ལ་གཤེར་ཞིང་བངས་པ་མེད།། དེ་ལ་ཕྲིན་ལས་ཅི་ཞིག་བཙལ།། ཁམས
140b6 གསུམ་ཆུ་ལྟར་འབྲུབ་ཀྱང་ནི།། ང་ལ་བངས་ཤིང་འཁྱེར་རྒྱུ་མེད།། དེ་ལ་ཕྲིན་ལས་ཅི་ཞིག་བཙལ།། སྟོང་གསུམ་རླུང་ལྟར་འཕྱོས་པས་ཀྱང་།། དེ་ཡིས་ང་ལ་བསྐྱོད་མི་ནུས།། དེ་ལ་ཕྲིན་ལས་ཅི་ཞིག་བཙལ།། སྐྱེ་ཤི
iiif viewer powered by OpenSeadragon
