| e-texts navigator |
| Wylie |
13b1 པའི་གོལ་གཞི་ཤེས་པ་གདམས་ངག་ཡིན།། ཐེག་པ་སུན་འདོན་ཤེས་པ་དབང་པོ་ཡིན།། ཐེག་པའི་ལ་བཟླ་ཤེས་པ་ཡིད་ཆེས་ཡིན།། ཐེག་པའི་ངོ་སྤྲོད་རང་གྲོལ་ཤེས་པ་ངེས་ཤེས་ཡིན།། ཐིག་ལེ་གཅིག་ཏུ་ཤེས་པ
13b2 འབྲས་བུ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། ནང་གི་སྐྱེ་དགུ་རྩད་ནས་བཅད་པའི་ལེའུ་སྟེ་བཅུ་གཅིག་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས
13b3 ཁྱོད།། གསང་བའི་སྐྱེ་དགུ་རྩད་ནས་གཅོད་པ་བསྟན་པར་བྱ།། ཀུན་གཞི་སྐྱེ་བ་དགུ་པའི་བདག། རྣམ་པར་ཤེས་པའི་ཚོགས་བརྒྱད་ལ།། སྐྱེ་ལུགས་མི་འདྲ་རྣམ་པ་བརྒྱད།། བརྒྱད་ཀྱི་དཔོན་པོར་གྱུར་པ་ཡིན།། དེ་སྐྱེ
13b4 བ་དང་དགུ་ཞེས་བྱ།། དེ་ལ་གཞི་དང་ལམ་དང་ནི།། འབྲས་བུ་དངོས་པོ་དག་ཏུ་སྨིན།། གབ་པ་ངོ་སྤྲོད་བསྟན་པ་ནི།། ལྷ་ཡི་ངོ་སྤྱོད་སྐྱེ་བ་དགུ། ནོར་ལྷ་བརྒྱད་ཅེས་བྱ་བར་སྐྱེས།། དེའི་དཔོན་པོ་དབང་ཕྱུག་ཆེན་པོ་ལྷ
13b5 ཆེན་པོ་དང་དགུ། ལྷན་ཅིག་སྐྱེས་པས་ལྷ་དགུ་ཡིན།། ལྷ་ཡི་སྐྱེས་རབས་མ་ཤེས་ན།། ལྷ་ལ་མཆོད་པ་འབུལ་མི་ཤེས།། ལྷ་ཡི་མཆོད་ཐབས་མ་ཤེས་ན།། མཆོག་གི་དངོས་གྲུབ་འཐོབ་མི་འགྱུར།། འདྲེ་ནི་འབྱུང་པོ་སྲིན
13b6 པོ་དང་།། ཉི་མ་ཟླ་བ་ཁྱབ་འཇུག་ཚངས་པ་དང་།། གཤིན་རྗེ་དང་ནི་མ་མོ་དང་།། ས་ཡི་ལྷ་དང་ཆུ་ལྷ་མེ་ལྷ་རླུང་གི་ལྷ། ཀུ་བེ་རའི་ལྷ་དང་། འབྲོག་གནས་ལྷ་དང་། གང་བ་བཟང་པོ་ལྷ་དང་། ནོར་གྱི་ལྷ་བརྒྱད། དེ་ནི
iiif viewer powered by OpenSeadragon
