| e-texts navigator |
| Wylie |
13a1 གཞི།། ཀུན་གཞི་སྐྱེ་བའི་མཛོད་ཆེན་ཡིན།། རྒྱུ་དང་ལམ་དང་གཞི་དངོས་གསུམ།། དེ་གསུམ་གཏན་ལ་ཕེབས་པར་འགྱུར།། གཏན་ལ་འབེབས་པ་སྡེ་ཡི་ལུང་དུ་བཤད།། དེ་ལ་གོལ་གཞི་རིམ་པ
13a2 དགུ།། གོལ་བ་ལམ་གྱི་སོ་མཚམས་དགུ།། གོལ་ས་དངོས་པོ་མཐའ་བཅས་རྣམས།། གོལ་གཞི་གོལ་ས་མ་ཤེས་ན།། ཐེག་པ་སྤྱི་ལས་བོགས་མི་ཐོན།། སུན་འདོན་ལ་བཟླ་མ་ཤེས་ན།། ཐེག་པའི་ལ་ཤན་རིས་མི
13a3 ཕྱེད།། ངོ་སྤྲོད་རང་ས་མ་བསྟན་ན།། འབྲས་བུ་སྠི་ཡི་གོལ་སར་འཆོར།། གེགས་དང་སེལ་ལུགས་མ་ཤེས་ན།། སྤྲེའུ་རྒན་མ་རུ་འཆོས་པ་འདྲ།། ལྟ་བའི་གོལ་སྒྲིབ་མ་ཆད་ན།། བོང་བུ་སེང་ལྤགས་གྱོན་པ
13a4 འདྲ།། བསྒོམ་པའི་གོལ་སྒྲིབ་མ་ཆོད་ན།། སྤྲེའུ་ལ་བསྒོམ་པ་བསླབས་པ་འདྲ།། སྤྱོད་པའི་གོལ་སྒྲིབ་མ་ཆོད་ན།། རྒོད་པོ་གཤོག་པ་ཆག་པ་འདྲ།། འབྲས་བུའི་གོལ་སྒྲིབ་མ་ཆོད་ན།། ཉི་མ་གཟའ་ཡིས་བཟུང་བ
13a5 འདྲ།། ཐམས་ཅད་ངོ་སྤྲོད་མ་ཤེས་ན།། ནོར་བུ་མཆིང་བུ་ཐོགས་པ་འདྲ།། དངོས་པོ་རྩད་ནས་མཆོད་ན།། ཉན་ཐོས་ལ་སོགས་རང་གཞུང་རེ།། དེ་ཡི་མཚན་མ་མ་གྲོལ་ན།། གྲང་ནད་ཅན་ལ་ག་པུར་ལྟར།། རང་སྣང
13a6 ཡེ་ཤེས་བདུད་དུ་འགྱུར།། ཕྱོགས་རྟོགས་རྟོག་པས་ཟིན་པ་ནི།། ཁ་བྲག་ལམ་མདོར་ཚོགས་པ་འདྲ།། དེས་ན་ངོ་སྤྲོད་ཤིན་ཏུ་གཅེས།། ནང་གི་སྐྱེ་དགུ་རྩད་གཅོད་ན།། ཐེག་པའི་གོལ་ས་ཤེས་པ་ངོ་སྤྲོད་ཡིན།། ཐེག
iiif viewer powered by OpenSeadragon
