| e-texts navigator |
| Wylie |
139b1 ཡང་ང་ཡི་དབང་བསྐུར་ཡིན།། མཚན་མ་མེད་པར་ཅིར་ཡང་སྣང་།། འདི་ཡང་ང་ཡི་དབང་བསྐུར་ཡིན།། གར་ཡང་མ་གཡོས་ཀུན་ཏུ་ཕྱིན།། འདི་ཡང་ང་ཡི་དབང་བསྐུར་ཡིན།། ཀུན་ཏུ་བཟང་པོ་ནམ་མཁའ་ཆེ་རྩ་བ
139b2 བསྡུས་པའི་རྒྱུད་ལས། དབང་བསྐུར་བའི་སྐབས་ཏེ་དགུ་པའོ།། །། རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་བ།། ཉིད་ཀྱི་ཕྲིན་ལས་བཤད་དུ་གསོལ།། དེ་སྐད་གསོལ་པ་གསན
139b3 ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། ཕྱི་ནང་ཆོས་རྣམས་ཐམས་ཅད་པ།། འདི་ཡང་ང་ཡི་ཕྲིན་ལས་ཡིན།། བདག་དང་གཞན་དུ་བལྟ་བ་རྣམས།། གཉིས་སུ་མེད་པར་གང་སྤྱོད་པ།། འདི་ཡང་ང་ཡི་ཕྲིན
139b4 ལས་ཡིན།། ཕྱོགས་དང་རིས་སུ་སྣང་བ་རྣམས།། གཉིས་སུ་མེད་པར་གང་སྤྱོད་པ།། འདི་ཡང་ང་ཡི་ཕྲིན་ལས་ཡིན།། གཉིས་སུ་མེད་པར་བདེ་བ་ཆེ།། བདེ་ཆེན་ཡོངས་ཁྱབ་ཆོས་ཀྱི་སྐུ།། འདི་ཡང་ང་ཡི་ཕྲིན་ལས
139b5 ཡིན།། དངོས་པོ་མཚན་མ་ཐམས་ཅད་འཇོམས།། ཐབས་མཁས་ལོངས་སྤྱོད་རྫོགས་པའི་སྐུ།། འདི་ཡང་ང་ཡི་ཕྲིན་ལས་ཡིན།། སྐྱེ་བ་མེད་ལས་ཐམས་ཅད་སྐྱེས།། ཡོངས་ལ་ཁྱབ་པས་སྤྲུལ་པའི་སྐུ།། འདི་ཡང་ང་ཡི
139b6 ཕྲིན་ལས་ཡིན།། མི་འགྱུར་མི་ཤིགས་སྙིང་པོའི་མཆོག། སྐྱེ་ཤི་མེད་པས་རྡོ་རྗེའི་སྐུ།། འདི་ཡང་ང་ཡི་ཕྲིན་ལས་ཡིན།། དོན་དམ་རྟོགས་པའི་བདེ་བ་མཆོག། མངོན་པར་བྱང་ཆུབ་པ་ཡི་སྐུ།། འདི་ཡང་ང་ཡི་ཕྲིན་ལས
iiif viewer powered by OpenSeadragon
