| e-texts navigator |
| Wylie |
138b1 ཡང་མི་བསམ་པ།། འདི་ཡང་ང་ཡི་དབང་མཆོག་ཡིན།། འཛིན་རྟོག་མེད་པའི་ཤེས་རབ་ཀྱིས།། རང་བཞིན་མེད་པར་གང་འཇིག་པ།། འདི་ཡང་ང་ཡི་དབང་མཆོག་ཡིན།། ཆོས་ཉིད་རིག་པའི་ཀློང་གདལ་དུ།། རང
138b2 རིག་ཡེ་ཤེས་མ་བརྗེད་བསྒོམ།། འདི་ཡང་ང་ཡི་དབང་མཆོག་ཡིན།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དབང་བསྟན་པའི་སྐབས་ཏེ་བརྒྱད་པའོ།། །། རྡོ་རྗེ་སེམས་དཔས་ཡང
138b3 གསོལ་པ། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་དབང་བསྐུར་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། རང་བཞིན་སྤྲོས་བྲལ་བདེ
138b4 གཤེགས་ཐུགས།། འདི་ཡང་ང་ཡི་དབང་བསྐུར་ཡིན།། དངོས་མེད་མ་སྐྱེས་ཆོས་རྣམས་འབྱུང་།། འདི་ཡང་ང་ཡི་དབང་བསྐུར་ཡིན།། བརྗོད་མེད་ཡེ་སྐྱེས་ཡེ་ནས་སྟོང་།། འདི་ཡང་ང་ཡི་དབང་བསྐུར་ཡིན།། ཚིག་གིས
138b5 མཚོན་མེད་མཚན་མ་མེད།། འདི་ཡང་ང་ཡི་དབང་བསྐུར་ཡིན།། དམ་ཆོས་ཡོན་ཏན་བརྗོད་མི་སྤང་།། འདི་ཡང་ང་ཡི་དབང་བསྐུར་ཡིན།། མ་རིག་དོན་སྟོང་ཁ་ལོ་བསྒྱུར།། འདི་ཡང་ང་ཡི་དབང་བསྐུར་ཡིན།། ཀུན
138b6 བྲལ་ཉག་གཅིག་ཅི་མ་སྤངས།། འདི་ཡང་ང་ཡི་དབང་བསྐུར་ཡིན།། སྣ་ཚོགས་སྣང་ཡང་འགྱུར་བ་མེད།། འདི་ཡང་ང་ཡི་དབང་བསྐུར་ཡིན།། ཅི་ཡང་མེད་པས་ཅི་ཡང་རིག། འདི་ཡང་ང་ཡི་དབང་བསྐུར
iiif viewer powered by OpenSeadragon
