| e-texts navigator |
| Wylie |
137b1 འཛིན་ཏམ་འཆང་བའམ།། ཡིད་ལ་སེམས་པ་གང་ཡིན་པ།། འདི་ཡང་དམ་ཚིག་བསྲུང་བ་ཡིན།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས།། དམ་ཚིག་བསྲུང་བའི་སྐབས་ཏེ་བདུན
137b2 པའོ།། །། རྡོ་རྗེ་སེམས་དཔས་ཡང་གསོལ་པ།། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་དབང་རྣམས་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ
137b3 པ།། གདོད་ནས་རྣམ་དག་ཆོས་ཀྱི་སྐུ།། རང་བྱུང་ཡེ་ཤེས་སྤྲོས་དང་བྲལ།། འདི་ཡང་ང་ཡི་དབང་མཆོག་ཡིན།། ཡོངས་ཁྱབ་ཐུགས་རྗེ་སྤྲུལ་པའི་སྐུ།། འགྲོ་བ་རྣམས་ཀྱི་དོན་ཆེན་མཛད།། འདི་ཡང་ང་ཡི་དབང་མཆོག
137b4 ཡིན།། ཐབས་མཁས་རོལ་པས་ལོངས་སྤྱོད་རྫོགས།། ལོངས་སྐུ་སྣང་བ་ཐམས་ཅད་སྟོན།། འདི་ཡང་ང་ཡི་དབང་མཆོག་ཡིན།། སྐྱེ་ཤི་མེད་པར་རྡོ་རྗེའི་སྐུ།། ཅིས་ཀྱང་སྤྱོད་དུ་མེད་པ་སྟེ།། འདི་ཡང་ང་ཡི་དབང་མཆོག
137b5 ཡིན།། རྟོགས་པས་མངོན་པར་བྱང་ཆུབ་སྒྲ།། ངོ་བོ་ཉིད་ཀྱིས་རྣམ་པར་དག། འདི་ཡང་ང་ཡི་དབང་མཆོག་ཡིན།། གཉིས་མེད་བདེ་བ་ཆེན་པོའི་སྒྲ།། ཀུན་བྲལ་ཉག་གཅིག་ཅི་མ་སྤངས།། འདི་ཡང་ང་ཡི་དབང་མཆོག
137b6 ཡིན།། སྐུ་གསུམ་དབྱེར་མེད་རོལ་པ་ཡིན།། དོན་གྱིས་ཡེངས་པ་མེད་པར་མཛད།། འདི་ཡང་ང་ཡི་དབང་མཆོག་ཡིན།། གང་ཞིག་བསྒྲལ་བ་བྱང་ཆུབ་སེམས།། གདོད་ནས་དག་པའི་སྙིང་པོ་མཆོག། འདི་ཡང་ང་ཡི།
iiif viewer powered by OpenSeadragon
