| e-texts navigator |
| Wylie |
136b1 ཚིག་ཡིན།། བདེ་སྡུག་གཉིས་སུ་མི་བལྟ་བ།། འདི་ཡང་ང་ཡི་དམ་ཚིག་ཡིན།། དམ་ཚིག་རྒྱལ་པོ་ལྷུན་གྱིས་གྲུབ།། སྙིང་པོ་གསང་ཆེན་འདའ་མེད་མཆོག། དོན་གྱི་སྐྱེས་བུས་གཞུང་སྤྲོས་ནས།། མི་ཡི་སེང་གེ་དག་ལ
136b2 བསྟན།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། དམ་ཚིག་བསྟན་པའི་སྐབས་ཏེ་དྲུག་པའོ།། །། རྡོ་རྗེ་སེམས་དཔས་ཡང་གསོལ་པ།། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་དམ
136b3 ཚིག་བསྲུང་བ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། མཁའ་དབྱིངས་བདེ་ཆེན་ཀློང་ཡངས་ནི།། བྱང་ཆུབ་སེམས་ཀྱི་དམ་ཚིག་སྟེ།། བསྲུང་དུ་མེད་པས་ཡེ
136b4 བསྲུངས་ཡིན།། ཐབས་དང་ཤེས་རབ་གཉིས་མེད་པ།། འདི་ཡང་ང་ཡི་དམ་ཚིག་སྟེ།། བསྲུང་དུ་མེད་པས་ཡེ་བསྲུངས་ཡིན།། དབྱིངས་དང་ཡེ་ཤེས་གཉིས་མེད་པ།། འདི་ཡང་ང་ཡི་དམ་ཚིག་སྟེ།། བསྲུང་དུ་མེད་པས
136b5 ཡེ་བསྲུངས་ཡིན།། རྒྱུ་དང་འབྲས་བུ་གཉིས་མེད་པ།། འདི་ཡང་ང་ཡི་དམ་ཚིག་སྟེ།། བསྲུང་དུ་མེད་པ་ཡེ་བསྲུངས་ཡིན།། གཟུགས་དང་མཚན་མ་གཉིས་མེད་པ།། འདི་ཡང་ང་ཡི་དམ་ཚིག་སྟེ།། བསྲུང་དུ་མེད་པས
136b6 ཡེ་བསྲུངས་ཡིན།། ཐམས་ཅད་དག་ནས་ཐམས་ཅད་དུ།། དམ་ཚིག་དག་ལས་མ་འདས་པ།། མཉམ་པ་ཉིད་དུ་ཡེ་བསྲུངས་ཡིན།། འདི་ཡང་ང་ཡི་དམ་ཚིག་ཡིན།། དངོས་པོ་མཚན་མ་ཐམས་ཅད་ལས།། འདའ་བ
iiif viewer powered by OpenSeadragon
