| e-texts navigator |
| Wylie |
135a1 བསྒོམ།། སྣང་དང་སྲིད་པའི་ཆོས་རྣམས་ཀུན།། གཉིས་སུ་མེད་པར་བསྒོམ་པར་བྱ།། འཁོར་བ་མྱ་ངན་འདས་མེད་ན།། དེ་ཡང་ང་ཡི་སྒོམ་པ་ཡིན།། ཐབས་དང་ཤེས་རབ་གཉིས་མེད་ན།། དེ་ཡང་ང་ཡི
135a2 སྒོམ་པ་ཡིན།། རྒྱུ་དང་འབྲས་བུ་གཉིས་མེད་ན།། དེ་ཡང་ང་ཡི་སྒོམ་པ་ཡིན།། བལྟ་བ་སྤྱོད་པ་གཉིས་མེད་ན།། དེ་ཡང་ང་ཡི་སྒོམ་པ་ཡིན།། སངས་རྒྱས་སེམས་ཅན་གཉིས་མེད་ན།། དེ་ཡང་ང་ཡི་བསྒོམ་པ
135a3 ཡིན།། བདེ་བ་སྡུག་བསྔལ་གཉིས་མེད་ན།། དེ་ཡང་ང་ཡི་སྒོམ་པ་ཡིན།། ཡུལ་དང་དབང་པོ་གཉིས་མེད་ན།། དེ་ཡང་ང་ཡི་སྒོམ་པ་ཡིན།། ཤེས་རབ་ཏིང་འཛིན་གཉིས་མེད་ན།། དེ་ཡང་ང་ཡི་སྒོམ་པ་ཡིན།། ཐམས
135a4 ཅད་སེམས་ཉིད་ཡིན་ཤེས་ན།། བསྒོམ་པ་མེད་པའི་སྒོམ་པ་ཡིན།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། བསྒོམ་པའི་སྐབས་བསྟན་པ་སྟེ་བཞི་པའོ།། །། རྡོ་རྗེ་སེམས་དཔས་ཡང
135a5 གསོལ་པ། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་སྒྲུབ་པ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། སྒྲུབ་པའི་རྒྱལ་པོ་ང་ཡི་བཀའ།། ཚུལ་འཆང་གཞུང
135a6 ལས་ཕྱེ་སྟེ་བཤད།། རྒྱུ་ཉིད་དག་པར་གང་བསྒྲུབ་པ།། འདི་ཡང་ང་ཡི་སྒྲུབ་པ་ཡིན།། འབྲས་བུ་དག་པར་གང་བསྒྲུབ་པ།། འདི་ཡང་ང་ཡི་སྒྲུབ་པ་ཡིན།། བཅོས་མེད་སྙིང་པོར་གང་བསྒྲུབ་པ།། འདི་ཡང་ང་ཡི་སྒྲུབ་པ
iiif viewer powered by OpenSeadragon
