| e-texts navigator |
| Wylie |
134a1 རྣམས་ཐམས་ཅད་ལ།། རྟོགས་དང་ལྡན་པས་གང་སྤྱོད་པ།། འདི་ཡང་ང་ཡི་སྤྱོད་པ་ཡིན།། གཟུགས་སུ་སྣང་བ་ཐམས་ཅད་ཀུན།། ང་ཡི་སྐུ་ཡི་བདག་ཉིད་ཡིན།། སྒྲ་རུ་གྲག་པ་ཐམས་ཅད་ཀུན།། ང་ཡི
134a2 གསུང་གི་བདག་ཉིད་ཡིན།། སེམས་ཀྱི་དྲན་རྟོག་ཐམས་ཅད་ཀུན།། ང་ཡི་ཐུགས་ཀྱི་བདག་ཉིད་ཡིན།། ཐམས་ཅད་ང་ལས་བྱུང་བས་ན།། ང་ཡི་རང་བྱུང་ཡེ་ཤེས་ཡིན།། ཕྲིན་ལས་རྣམ་བཞི་ཅི་སྤྱད་ཀྱང་།། ང་ཡི་ཕྲིན
134a3 ལས་བདག་ཉིད་ཡིན།། ཁྱབ་པར་གདལ་བས་སྤྱོད་པ་ནི།། འདི་ཡང་ང་ཡི་སྤྱོད་པ་ཡིན།། བཙལ་དུ་མེད་པ་གང་སྤྱོད་པ།། འདི་ཡང་ང་ཡི་སྤྱོད་པ་ཡིན།། ཡེ་ནས་ལྷུན་གྱིས་རྫོགས་པ་ནི།། འདི་ཡང་ང་ཡི་སྤྱོད་པ
134a4 ཡིན།། སྤྱོད་པ་གཉིས་སུ་མེད་པར་སྤྱོད།། ཐམས་ཅད་སྙིང་པོ་བྱང་ཆུབ་སེམས་སུ་སྤྱོད།། སེམས་ཉིད་ཡེ་སངས་རྒྱས་པར་སྤྱོད།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། སྤྱོད་པ་བསྟན་པའི
134a5 སྐབས་ཏེ་གསུམ་པའོ།། །། རྡོ་རྗེ་སེམས་དཔས་ཡང་གསོལ་པ། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་བསྒོམ་པ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ
134a6 སྩལ་པ།། ང་ཉིད་ཀུན་གཞི་བྱང་ཆུབ་སེམས།། དུས་གསུམ་བདག་ཏུ་མི་འགྱུར་བས།། འགྱུར་བ་མེད་པའི་སྐུ་རུ་བསྒོམ།། ང་ལ་རང་བཞིན་མེད་པས་སུ།། བརྗོད་དུ་མེད་པའི་གསུང་དུ་བསྒོམ།། ང་ལ་དམིགས་པ
iiif viewer powered by OpenSeadragon
