| e-texts navigator |
| Wylie |
133a1 དབབ་པ་ཇི་ལྟར་ལགས།། གཅད་པར་བྱ་ན་ཇི་ལྟར་བྱ།། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད་ལས། རྩ་བ་མདོར་བསྟན་པའི་སྐབས་ཏེ་དང་པོའོ།། །། རྡོ་རྗེ་སེམས་དཔས་ཡང
133a2 གསོལ་པ།། བཅོམ་ལྡན་བདེ་ཆེན་ཀུན་བཟང་པོས།། ཉིད་ཀྱི་ལྟ་བ་བཤད་དུ་གསོལ།། དེ་སྐད་གསོལ་པ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། འཛིན་རྟོག་མེད་པར་གང་བལྟ་བ།། འདི་ཡང་ང་ཡི
133a3 ལྟ་བ་ཡིན།། སྐྱེ་ཤི་མེད་པར་གང་བལྟ་བ།། འདི་ཡང་ང་ཡི་ལྟ་བ་ཡིན།། འཕོ་འགྱུར་མེད་པར་གང་ལྟ་བ།། འདི་ཡང་ང་ཡི་ལྟ་བ་ཡིན།། བྱ་བཙལ་མེད་པར་གང་བལྟ་བ།། འདི་ཡང་ང་ཡི་ལྟ་བ་ཡིན།། ཡངས་དོག་མེད
133a4 པར་གང་བལྟ་བ།། འདི་ཡང་ང་ཡི་ལྟ་བ་ཡིན།། རྒྱུ་འབྲས་མེད་པར་གང་བལྟ་བ།། འདི་ཡང་ང་ཡི་བལྟ་བ་ཡིན།། ཕྱོགས་སུ་གདལ་བས་འགྱུར་བ་མེད།། འདི་ཡང་ང་ཡི་ལྟ་བ་ཡིན།། སྣང་སྲིད་འདི་ལྟར་སྣང་བའི
133a5 ཆོས།། ཕྱི་ནང་སྣོད་བཅུད་ཐམས་ཅད་ཀུན།། སྙིང་པོ་འདི་ལས་གཞན་མ་ཡིན།། དབྱིངས་དང་ཡེ་ཤེས་དོན་རྟོགས་ན།། དེ་ཡང་ང་ཡི་དོན་རྟོགས་ཡིན།། དེ་ལྟར་རྟོགས་པའི་རྣལ་འབྱོར་ནི།། རྟོགས་པ་མངོན་དུ་གྱུར་པ
133a6 ཡིན།། ང་ཉིད་སྙིང་པོ་བྱང་ཆུབ་སེམས།། སྙིང་པོ་འདི་ཡང་གཞན་མ་ཡིན།། སྙིང་པོ་བྱང་ཆུབ་ཡེ་སངས་རྒྱས།། ཐམས་ཅད་དག་པས་སྐྱེ་བ་ཡིན།། རང་ལས་འབྱུང་བས་སྙིང་པོ་ཡིན།། ཡོངས་ལ་ཁྱབ་པས་སྙིང་པོ
iiif viewer powered by OpenSeadragon
