| e-texts navigator |
| Wylie |
132b1 རྒྱ་གར་སྐད་དུ།། ས་མནྟ་བྷ་དྲ་མ་ཧཱ་ག་ག་ན་མཱུ་ལ་སཾ་གྲ་ཧ་ཏནྟྲ། བོད་སྐད་དུ། ཀུན་ཏུ་བཟང་པོ་ནམ་མཁའ་ཆེ་རྩ་བ་བསྡུས་པའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི
132b2 སྐད་བཤད་པའི་དུས་གཅིག་ན། བཅོམ་ལྡན་འདས་ཀུན་ཏུ་བཟང་པོས། དམིགས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས། ཀུན་ཏུ་བཟང་པོ་རྩ་བ་བསྡུས་པའི་སངས་རྒྱས་མ་ལུས་པ་མི་ལུས་ལུས་པ
132b3 མེད་པའི་སྐུ་གསུང་ཐུགས་རྡོ་རྗེའི་བདག་ཉིད། སྙིང་པོ་ལས་ཀྱང་སྙིང་པོའི་མཆོག་ཏུ་གྱུར་པ་འདི་དག་བཀའ་སྩལ་ཏོ།། དོན་རྟོགས་ལྡན་པའི་སྐྱེས་བུ་དག། ཀུན་ཏུ་བཟང་པོ་ནམ་མཁའ་ཆེ།། རྩ་བ་བསྡུས་པ་རྟོགས
132b4 འདོད་ན།། ངེས་པར་རྒྱུད་འདི་མཉན་པར་གྱིས།། དེ་སྐད་ཅེས་གསུངས་གསན་ནས་ཀྱང་།། རྡོ་རྗེ་སེམས་དཔས་ཡང་ཞུས་པ།། བཅོམ་ལྡན་བདེ་ཆེན་ཀུན་བཟང་པོ།། ཉིད་ཀྱི་བལྟ་བ་ཇི་ལྟར་ལགས།། སྤྱོད་པ་སྤྱད་པ
132b5 ཇི་ལྟར་སྤྱད།། ཉིད་ཀྱི་བསྒོམ་པ་ཇི་ལྟར་བསྒོམ།། བསྒྲུབ་པར་བྱ་ན་ཇི་ལྟར་བསྒྲུབ།། ཉིད་ཀྱི་དམ་ཚིག་གང་དང་གང་།། བསྲུང་བར་བྱ་བ་ཇི་ལྟར་བསྲུང་།། ཉིད་ཀྱི་དབང་རྣམས་གང་དང་གང་།། བསྐུར་བར་བྱ་ན་ཇི
132b6 ལྟར་བསྐུར།། ཉིད་ཀྱི་ཕྲིན་ལས་གང་དང་གང་།། རྩོལ་བར་བྱ་ན་ཇི་ལྟར་བྱ།། ཉིད་ཀྱི་སྦྱོར་བ་ཇི་ལྟར་སྦྱོར།། བསྒྲལ་བར་བྱ་ན་ཇི་ལྟར་བྱ།། ཉིད་ཀྱི་གསོ་བ་གང་དང་གང་།། གསད་པར་བྱ་ན་ཇི་ལྟར་བྱ།། ཉིད་ཀྱི
iiif viewer powered by OpenSeadragon
