| e-texts navigator |
| Wylie |
131b1 བཟང་མོ་སྐྱེ་བ་མེད་པའི་དབྱིངས།། སྐྱེ་མེད་འགག་མེད་ཆོ་འཕྲུལ་འབྱུང་བའི་གཏེར།། སྐུ་གསུམ་སངས་རྒྱས་འགྲོ་དོན་མཛད་པའི་གནས།། ཁམས་གསུམ་སེམས་ཅན་སྒྲོལ་བར་བྱེད་པའི་ལམ།། རྣམ་དག་ལམ་ཆེན
131b2 ཀུན་གྲོལ་དགོངས་པའི་ཕུགས།། ཉི་ཟླའི་འོད་བཞིན་ཀུན་ཏུ་ཁྱབ་པར་གསལ།། བརྟགས་ན་མི་རྙེད་བཞག་ན་སྣ་ཚོགས་འབྱུང་།། སངས་རྒྱས་སེམས་ཅན་འཁོར་འདས་སྣོད་བཅུད་ཀུན།། ཆོས་སུ་གྲགས་པའི་དོན
131b3 རྣམས་འདི་ལ་འདུས།། འདི་མེད་སངས་རྒྱས་འབྱུང་བར་མི་སྲིད་དེ།། དུས་གསུམ་རྒྱལ་བ་རྣམས་ཀྱིས་རྟོགས་དཀའ་བའི།། ཆོས་ཀྱི་སྙིང་པོ་བྱར་མེད་འདི་ཡིན་ཏེ།། མཚན་མའི་ཆོས་ལ་མ་ཡེངས་འདི་དོན
131b4 རྟོགས།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། འཁོར་ལ་གདམས་པ་བསྟན་པའི་ལེའུ་སྟེ་བཞི་བཅུ་རྩ་བདུན་པའོ།། །། དེ་ནས་སེམས་དཔའ་རྡོ་རྗེ་ལ་སོགས་པའི་འཁོར་རྣམས
131b5 རྗེས་སུ་ཡི་རང་བར་གྱུར་ནས། འདི་སྐད་ཅེས་གསོལ་ཏོ།། གཙོ་བོ་ཆེན་པོ་བཅོམ་ལྡན་འདས།། ལོག་པར་བལྟ་བ་ལ་སོགས་པའི།། གདུལ་བྱ་རྣམས་ལ་ཕན་འདོགས་པ།། མགོན་སྐྱབས་མཆོག་ལ་རྗེས་ཡི
131b6 རང་།། ནམ་མཁའ་ལྟ་བུའི་ཆོས་ཉིད་ཀྱིས།། ཀུན་ལ་ཁྱབ་པར་དོན་མཛད་ཅིང་།། དགོངས་པ་དབྱིངས་ལས་མི་བསྐྱོད་པ།། གཡོ་འགུལ་མེད་ལ་ཕྱག་འཚལ་བསྟོད།། རང་བྱུང་ཡེ་ཤེས་ཉི་མ་ཡིས།། མ་རིག་མུན་པ
iiif viewer powered by OpenSeadragon
