| e-texts navigator |
| Wylie |
131a1 མེད་དོ་རང་སར་གྲོལ།། ལྷུན་གྲུབ་ཀློང་དུ་རང་སར་གྲོལ།། འདུ་འབྲལ་མེད་དོ་རང་སར་གྲོལ།། ཐིག་ལེའི་ཀློང་དུ་རང་སར་གྲོལ།། ཅིར་ཡང་འཆར་རོ་རང་སར་གྲོལ།། ངེས་མེད་ཀློང་དུ་རང་སར
131a2 གྲོལ།། གཟུངས་སུ་སྣང་ངོ་རང་སར་གྲོལ།། སྣང་བ་རང་གྲོལ་ཀློང་དུ་གྲོལ།། སྒྲ་རུ་གྲག་གོ་རང་སར་གྲོལ།། ཐོས་པ་རང་གྲོལ་ཀློང་དུ་གྲོལ།། སྣང་ཞིང་གྲག་པའི་ཆོས་རྣམས་དང་།། མཐོང་ཐོས་སྒོ་ལྔར་ཅིར་ཤར
131a3 ཡང་།། རང་ཞལ་རང་གིས་མཐོང་བས་ན།། གཉིས་སུ་བལྟ་བའི་ཡུལ་གཞན་མེད།། གཉིས་སུ་མེད་དོ་མཉམ་པ་ཆེ།། ཡུལ་སེམས་མཉམ་པའི་ཀློང་དུ་གྲོལ།། མཉམ་ཉིད་གཅིག་ལ་ཅིར་ཡང་འབྱུང་།། དབྱིངས་ཉིད
131a4 གཅིག་ལ་ཅིར་ཡང་འཆར།། ཡོན་ཏན་ཐམས་ཅད་སྐྱེད་པར་བྱེད།། དངོས་གྲུབ་ཐམས་ཅད་འབྱུང་བའི་གཞི།། མ་བཙལ་ནོར་བུ་རིན་པོ་ཆེ།། མ་བགོས་མ་ཕྱེ་གཏེར་གྱི་མཆོག། དེ་ཡི་ངང་ལ་ཀུན་གནས་པས།། ཐམས
131a5 ཅད་བྱ་བྱེད་མེད་པར་གྲོལ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། རྫོགས་ཆེན་གོ་བཟློག་པའི་ལེའུ་ཞེས་བྱ་སྟེ་བཞི་བཅུ་རྩ་དྲུག་པའོ།། །། དེ་ནས་ཡང་བཅོམ་ལྡན་འདས་ཀྱིས
131a6 འཁོར་རྣམས་ལ་རྒྱུད་འདི་གདམས་སོ།། བདག་གིས་ཆོས་རྣམས་ཐམས་ཅད་ནི།། ཐམས་ཅད་ཆོས་ཉིད་ཀློང་དུ་རིག། ཆོས་ཀྱི་དབྱིངས་ཀྱི་ཕོ་བྲང་དམ་པ་དེར།། ཀུན་ཏུ་བཟང་པོ་ཡངས་དོག་མེད་པའི་ཀློང་།། ཀུན་ཏུ
iiif viewer powered by OpenSeadragon
