| e-texts navigator |
| Wylie |
130b1 དེ།། འཁོར་བར་འཁྱམས་པར་མི་སྲིད་དེ།། སྲིད་པར་འབྱུང་བ་ཤེས་བྱའི་བབས།། ཡུལ་དང་ཡུལ་ཅན་བལྟ་བ་དང་།། རྫས་སུ་འདོད་པ་དམན་པའི་བློ།། མཁའ་ལ་གྲོལ་ལོ་རང་སར་གྲོལ།། རྟེན་མེད་ཀློང་དུ་རང
130b2 སར་གྲོལ།། ཐེག་ལེ་གཅིག་ལ་གྲ་ཟུར་མེད།། གདལ་བ་ཆེན་པོའི་ཆོས་ཉིད་ལ།། གཉིས་སུ་སྣང་བར་མི་སྲིད་དེ།། སྲིད་པར་འབྱུང་བ་ཤེས་བྱའི་བབས།། གཅིག་དང་ཐ་དད་འབྱེད་པ་ནི།། འཁྲུལ་པའི་སེམས་ལ་སྤྱོད
130b3 པ་ཡིན།། གཅིག་ཏུ་གྲོལ་ལོ་རང་སར་གྲོལ།། ཆོས་ཉིད་ཀློང་དུ་རང་སར་གྲོལ།། ཕྱོགས་སུ་ལྷུང་བ་མི་སྲིད་དེ།། རང་བྱུང་ཡེ་ཤེས་རྒྱུ་རྐྱེན་མེད།། དུག་ལྔར་འཆར་བར་མི་སྲིད་དེ།། སྲིད་པའི་བབས་ཀྱིས་དུག་ལྔར
130b4 ཤར།། འོག་མ་འཁོར་བའི་ལམ་དུ་འདོད།། བྱང་ཆུབ་མི་ཐོབ་གེགས་སུ་འགྱུར།། རང་བྱུང་གྲོལ་ལོ་རང་སར་གྲོལ།། རང་བྱུང་ཡེ་ཤེས་ཀློང་དུ་གྲོལ།། ལྷུན་གྲུབ་ཕྱོགས་མེད་མཐའ་བྲལ་ལ།། ཕྱོགས་སུ་ལྷུང་བ་མི་སྲིད
130b5 དེ།། ཕྱོགས་སུ་འཛིན་པ་སྲིད་པའི་བབས།། ཕྱོགས་ལྷའི་མཐའ་ལ་ཞེན་པ་ཡིས།། མཉམ་ཉིད་མི་རྟོག་བདུད་དུ་འགྱུར།། ཕྱོགས་མེད་གྲོལ་ལོ་རང་སར་གྲོལ།། ལྷུན་གྲུབ་ཕྱོགས་མེད་ཀློང་དུ་གྲོལ།། དངོས་མཚན་མེད
130b6 པའི་ཆོས་ཉིད་དེ།། སྟོང་ཉིད་འགག་པ་མེད་ལ་གནས།། སྣང་བར་འཆར་བར་མི་སྲིད་དེ།། ངེས་མེད་རང་ཤར་སྲིད་པའི་བབས།། སྣང་བ་ངེས་མེད་རང་སར་གྲོལ།། སྟོང་པའི་ཀློང་དུ་རང་སར་གྲོལ།། དབྱེ་བསལ
iiif viewer powered by OpenSeadragon
