| e-texts navigator |
| Wylie |
130a1 རྣམས་ལ་མི་རིགས་ཏེ།། ཨ་ཏི་ཡོ་གར་རིགས་པའི་གནད།། རྫོགས་ཆེན་ལྟ་བ་གཏིང་མཐའ་མེད།། ཡེ་བརྡལ་ཆེན་པོའི་ཆོས་ཉིད་ལ།། ཐུག་པ་མེད་ཅེས་སྐྱོན་འགྲེལ་བ།། མཐའ་མེད་མ་གོ་མུན་པའི
130a2 བློ།། མུ་མེད་ཚིག་ཆོད་བསྟན་པ་དེ།། འོག་མའི་ཀློང་དུ་མི་རིགས་ཏེ།། རྫོགས་པ་ཆེན་པོར་རིགས་པའི་གནད།། ཐིག་ལེ་གཅིག་གི་ངོ་བོ་ལ།། ཤར་ལུགས་རྒྱུ་མཚན་གོ་བཟློག་པས།། འབྲས་བུ་འདོད་པའི་རེ་དོགས
130a3 ཆོད།། རེ་མེད་དོགས་མེད་མཁའ་དང་མཉམ།། ཡངས་སོ་ཆེའོ་ཆོས་ཉིད་ཆེ།། ནམ་མཁའ་མཉམ་པ་རྒྱལ་བའི་ཐུགས།། སྤང་ཐོབ་མེད་དོ་ཐེག་ལེ་ཆེ།། གཅིག་གི་ཀློང་ནས་རང་ཤར་བས།། རང་སར་གྲོལ་ལོ་དབྱིངས
130a4 སུ་གྲོལ།། རྟོགས་དང་མ་རྟོགས་མེད་པར་གྲོལ།། གཉིས་སུ་མེད་པའི་ཆོས་ཉིད་དེར།། བཟང་ངན་མེད་པར་གྲོལ་བ་དེ།། འོག་མ་རྣམས་ལ་མི་སྲིད་དེ།། ཨ་ཏི་ཡོ་གར་སྲིད་པའི་ཆོས།། གནའ་ཕྲུག་བྲག་ལ་འཛེགས
130a5 པའི་དུས།། བདེ་བླག་གཞན་དང་མི་འདྲ་བས།། སྲོག་ཆགས་གཞན་ལ་མི་སྲིད་དེ།། ཡང་ཟོར་སྟོབས་ཀྱིས་ཁོ་ལ་སྲིད།། རིག་པ་བྱར་མེད་ཀློང་ཆེན་དུ།། ཐམས་ཅད་མ་ལུས་གྲོལ་བ་དེ།། ཐེག་པ་དམན་པའི་གང་ཟག
130a6 དང་།། རྩོལ་བསྒྲུབ་ཅན་ལ་མི་སྲིད་དེ།། ཤིན་ཏུ་རྣལ་འབྱོར་དགོངས་པ་མཁའ་དང་མཉམ།། བྱ་བྲལ་མུ་མེད་ཡངས་པའི་ལམ་དུ་བདེ།། ཆོས་རྣམས་ཐམས་ཅད་སངས་རྒྱས་པས།། རིག་པ་ཡུལ་མེད་རྟེན་མེད
iiif viewer powered by OpenSeadragon
