| e-texts navigator |
| Wylie |
12a1 གསུང་བར་ཆོས་ཉིད་ཀྱི་ཀློང་དུ་མནལ་ལོ།། ཞེས་འབྱུང་པོ་ཀུན་འདུལ་གྱི་རྒྱུད་ལས། སྐྱེ་དགུ་ལ་ངོ་སྤྲོད་པའི་ལེའུ་སྟེ་དགུ་པའོ།། །། དེ་ནས་རྡོ་རྗེ་ཆོས་ཀྱི་བློ་གྲོས་ཀྱིས།། བཅོམ་ལྡན་ཀུན་ཏུ
12a2 བཟང་པོ་ལགས།། སྐྱེ་དགུའི་མཚན་ཉིད་ཇི་ལྟར་ལགས།། ཞེས་ཞུས་པས། ཀུན་ཏུ་བཟང་པོས་བཀའ་སྩལ་པ།། གནས་དང་བརྟན་དང་སྐྱེ་དགུའི་བདག། གནས་པ་ཀུན་གཞི་སྤྱི་ས་ཡིན།། བརྟན་པ་རང་བཞིན་སྟོང
12a3 པ་ལྔ་དང་ལྡན།། རྒན་པོ་ཐོག་མ་མེད་པ་ཡིན།། སྐྱེ་བ་དགུ་ནི་མི་འགག་པ།། ཕྱི་ཡི་སྐྱེ་བ་དགུ་བརྒྱུད་ལ།། དང་པོ་གཞི་ས་ངོ་སྤྲོད་གཅེས།། བར་དུ་རྒྱུ་རྐྱེན་ངོ་སྤྲོད་གཅེས།། ཐ་མར་སྐྱེས་པའི་དངོས་པོ་བརྟན་པར
12a4 གཅེས།། འགྲོ་བ་རིགས་དྲུག་མུ་སྟེགས་རྟག་ཆད་གཉིས།། འདྲེ་དང་ལྷ་རུ་སྐྱེ་བ་དགུ་བརྒྱུད་པ།། དང་པོ་བརྒྱུད་པའི་ཁུངས་བཙལ་ན།། འཁོར་བ་ཐོག་མཐའ་བཅད་པ་གཅེས།། ལྷ་ནི་འདྲེ་སྲིན་མི་དང་འགྲོ་དྲུག
12a5 གི། སྐྱེ་བའི་གཞི་མ་མ་ཤེས་ན།། སྔགས་པ་མཐུ་རྩལ་བསམ་ཡས་ཀྱང་།། སྐྱེ་བ་དགུ་བརྒྱུད་ཆོད་མི་སྲིད།། ངན་སྔགས་སྐྱེ་བའི་རྩ་བ་མཆོད་ན།། དགུ་བརྒྱུད་གཅོད་པ་ཡ་རེ་ཆ། ཆོད་པ་མེད་པ་ཉོན་རེ་མོངས།། སྲིད
12a6 གསུམ་སྐྱེ་བརྒྱུད་མཆོད་ན།། ཁམས་གསུམ་ཡོངས་གྲོལ་དཀའ་མོར་མཆི།། ཕྱི་ཡི་སྐྱེ་རྒྱུད་གཅོད་པ་ལ།། འབྱུང་པོ་ཀུན་འདུལ་གདམས་པ་དགོས།། སྐྱེ་དགུ་རྩད་ནས་གཅོད་པའི་ངོ་སྤྲོད་དགོས།། ཁམས་གསུམ
iiif viewer powered by OpenSeadragon
