| e-texts navigator |
| Wylie |
129b1 པ་རུ།། སྤྲུལ་པ་ཕྱོགས་མེད་འབྱུང་བ་དང་།། གང་ལའང་ཐོགས་པ་མེད་པ་རུ།། མ་ལུས་ཀུན་ལ་འཇུག་པ་ནི།། བྱར་མེད་རླུང་ཞོན་དོན་རྟོགས་ཀྱི།། རྣལ་འབྱོར་ཀུན་གྱི་སྤྱོད་ཡུལ་ཏེ།། བློ་ཆུང་ཤེས་རབ་ཐེག་དམན
129b2 པའི།། གང་ཟག་ཀུན་ལ་མི་རིགས་པ།། ཨ་ཏིར་རིགས་པར་སྟོན་པ་དེ།། འབྲས་བུ་ཡེ་གྲུབ་ཆེན་པོའི་གནད།། སྐྱེ་མེད་དབྱིངས་ལས་མ་གཡོས་པར།། སྐྱེ་བའི་ཆོ་འཕྲུལ་འབྱུང་བ་ལ།། རྒྱུ་འབྲས་མཚན་མར་འཛིན་པ
129b3 དེ། འཁྲུལ་པའི་དབང་གིས་ནོང་པའི་ཕྱིར།། ཨ་ཏིའི་ཆོས་ཉིད་རྒྱུ་རྐྱེན་མེད།། ཀུན་ལ་ཁྱབ་པར་བསྟན་པ་དེ།། འོག་མ་རྣམས་ལ་མི་རིགས་ཏེ།། ཨ་ཏི་ཡོ་གར་རིགས་པའི་གནད།། སངས་རྒྱས་སེམས་ཅན་གཅིག་པ
129b4 ལ།། དགོངས་སྤྱོད་དབྱེ་རུ་མེད་པ་དེ།། འཁོར་འདས་གཉིས་སུ་བཏགས་པས་འཁྲུལ།། གཟུང་འཛིན་གཉིས་སུ་གཅོད་པའི་བློ།། ཨ་ཏིས་གཉིས་མེད་བསྟན་པ་དེ།། འོག་མ་རྣམས་ལ་མི་རིགས་ཏེ།། ཨ་ཏི་ཡོ་གར
129b5 རིགས་པའི་གནད།། རྟོགས་དང་མ་རྟོགས་མེད་པ་རུ།། སྐྱེ་མེད་དབྱིངས་སུ་གྲོལ་བ་ལས།། རྟོགས་ནས་གྲོལ་བར་འདོད་པ་ནི།། མཉམ་པ་ཉིད་ཀྱི་དགྲ་ཡིན་པས།། ཨ་ཏིས་མཉམ་པར་བསྟན་པ་དེ།། འོག་མ་རྣམས
129b6 ལ་མི་རིགས་ཏེ།། ཨ་ཏི་ཡོ་གར་རིགས་པའི་གནད།། མཚོན་པ་ཐབས་ཀྱི་ཁྱད་པར་ལས།། བརྗོད་བྱ་གང་ཡང་མ་སྤངས་པར།། བརྗོད་མེད་ཁྲེགས་ཆོད་བླུན་པོའི་ཚིག། དོན་དང་དབྱེར་མེད་བསྟན་པ་དེ།། འོག་མ
iiif viewer powered by OpenSeadragon
